Michael Douglas (Schauspeler)

Michael Kirk Douglas (* 25. September 1944 in New Brunswick, New Jersey) is en US-amerikaanschen Schauspeler, Speelbaas un Filmproduzent.

Michael Douglas (2013)

Leven un Wark

Douglas is de Söhn vun den beropenen Schauspeler Kirk Douglas un den sien eerste Fro Diana Dill. Al mit acht Johren harr he en lütten Optritt in den Film The Big Sky. Douglas güng in de Eaglebrook School in Deerfield, Massachusetts. Na en Studium an de University of California, Santa Barbara is he midden de 1960er Johren na New York City togen, woneem he sik an’t Neighbourhood Playhouse un dat American Place Theater to’n Schauspeler utbilln laten hett. Sien eerste grote Filmrull in’t Kino harr he 1969 in Hail, Hero!

Sien Dörbrook as Schauspeler keem an de Siet vun Karl Malden mit sien Rull in de Krimireeg The Streets of San Francisco, de vun 1972 bit 1977 in de USA produzeert weer. Groten Spood harr he dorna ok mit Filmen as The China Syndrome, Romancing the Stone oder The Jewel of the Nile. Mit den Film One Flew Over the Cuckoo’s Nest ut dat Johr 1975 hett he sik ok as Filmproduzent en Naam maakt. 1988 hett he för sien Rull in Wall Street en Oscar kregen. Een Johr later grünn he denn de Produkschoonsfirma Stonebridge Entertainment, de siet 1994 Douglas-Reuther Productions heet.

In de fröhen 1990er Johren hett Douglas versöcht, vun lichte Kummedien as The Jewel of the Nile lostokamen un sik mehr op kumplexere Filmen as Basic Instinct oder The Game to kunzentreren. Vun de Kritik kreeg he dorför Loov un ok finanziell harr he dormit Spood.

2008 is Douglas mit 64 Johren vun’t American Film Institute mit den Pries för’t Levenswark uttekent worrn, wat sien Vadder achteihn Johren vörher ok al todeel worrn is. Övergeven weer de Pries an’m 11. Juli 2009 in Los Angeles.

Douglas weer vun 1997 bit 2000 mit Dinadra Luker verheiraat, mit de he en Söhn (Cameron Douglas, * 1978) hett. In’n November 2000 hett he de Schauspelersche Catherine Zeta-Jones heiraat. Mit ehr hett he en Söhn (* 2000) un en Dochter (* 2003). In’n August 2008 is bekannt worrn, dat Douglas Kehlkoppkrebs hett, gegen den he en Strahlen- un Chemotherapie maakt hett.. In’n Januar 2011 weer mellt, dat de Tumor verswunnen weer.

Filmografie (Utwahl)

Johr	Titel	Synchroonsnacker
1966	Cast a Giant Shadow dt.: Der Schatten des Giganten
1969	Hail, Hero!
1970	Adam at Six A.M.
1971	Summertree	Sven Hasper (Synchro 1993)
1972	Napoleon and Samantha dt.: Flucht in die Wildnis	Norbert Schwarz (Synchro 1988)
1972-76	The Streets of San Francisco, Feernsehreeg dt.: Die Straßen von San Francisco	Volker Brandt
1978	Coma	Volker Brandt
1979	The China Syndrome dt.: Das China-Syndrom	Volker Brandt
1979	Running dt.: Running – Der Moment seines Lebens	Lennardt Krüger
1980	It’s My Turn dt.: It’s My Turn – Ich nenn’ es Liebe	Volker Brandt
1983	The Star Chamber dt.: Ein Richter sieht rot	Volker Brandt
1984	Romancing the Stone dt.: Die Jagd nach dem grünen Diamanten	Volker Brandt
1985	The Jewel of the Nile dt.: Auf der Jagd nach dem Juwel vom Nil	Volker Brandt
1987	Fatal Attraction dt.: Eine verhämngnisvolle Affäre	Volker Brandt
1987	Wall Street	Volker Brandt
1989	Black Rain	Volker Brandt
1989	The War of the Roses dt.: Der Rosenkrieg	Volker Brandt
1992	Shining Through dt.: Wie ein Licht in dunkler Nacht	Volker Brandt
1992	Basic Instinct	Volker Brandt
1993	Falling Down dt.: Falling Down – ein ganz normaler Tag	Volker Brandt
1994	Disclosure dt.: Enthüllung	Volker Brandt
1995	The American President dt.: Hallo, Mr. President	Volker Brandt
1996	The Ghost and the Darkness dt.: Der Geist und die Dunkelheit	Volker Brandt
1997	The Game dt.: The Game – Das Geschenk seines Lebens	Volker Brandt
1998	A Perfect Murder dt.: Ein perfekter Mord	Volker Brandt
2000	Wonder Boys	Volker Brandt
2001	One Night at McCool’s dt.: Eine Nacht bei McCool’s	Volker Brandt
2001	Don’t Say a Word dt.: Sag’ kein Wort	Volker Brandt
2003	It Runs in the Family dt.: Es bleibt in der Familie	Volker Brandt
2003	The In-Laws dt.: Ein ungleiches Paar	Volker Brandt
2006	The Sentinel dt.: The Sentinel – Wem kannst du trauen?	Volker Brandt
2006	You, Me and Dupree dt.: Ich, du und der Andere	Volker Brandt
2009	Beyond a Reasonable Doubt dt.: Gegen jeden Zweifel	Volker Brandt
2009	Solitary Man	Volker Brandt
2010	Wall Street: Money Never Sleeps dt.: Wall Street: Geld schläft nicht	Volker Brandt
2013	Liberace, Feernsehn dt.: Liberace – Zuviel des Guten ist wundervoll	Volker Brandt
2013	Last Vegas	Volker Brandt
2014	And So It Goes dt.: Das grenzt an Liebe	Volker Brandt
2014	Beyond the Reach dt.: Beyond the Reach: In der Schusslinie	Volker Brandt
2015	Ant-Man	Volker Brandt
2017	Unlocked	Volker Brandt

Utteken

Michael Douglas weer för sien Filmwark bit hüüt (September 2013) sösstig mol för Filmpriesen vörslahn, vun de he tweeundörtig wunnen hett. Uttekent weer he ünner annern:

• 1976: mit den Oscar in de Kategorie Best Film för One Flew Over the Cuckoo’s Nest
• 1976: mit den Bambi in de Kategorie Feernsehreeg, Internatschonal för The Streets of San Francisco
• 1979: mit den Sünnerpries vun de ShoWest Convention in de Kategorie Star/Produzent vun’t Johr
• 1988: mit den Golden Globe in de Kategorie Best Hööftdorsteller – Drama för Wall Street
• 1988: mit den David di Donatello Filmpries in de Kategorie Best utlännsch Schauspeler för Wall Street
• 1988: mit den Oscar in de Kategorie Best Hööftdorsteller för Wall Street
• 2001: mit den Golden Satellite Award in de Kategorie Best Schauspeler in en Speelfilm, Kummedie oder Musical för Wonder Boys
• 2004: mit den Cecil B. DeMille Award
• 2009: mit den Pries för’t Levenswark vun’t American Film Institute
• 2013: mit den Emmy in de Kategorie Rutragen Hööftdorsteller in en Minireeg oder Speelfilm för Liberace

Literatur

• Adolf Heinzlmeier: Michael Douglas. Rastatt 1990. ISBN 3-8118-3060-0.
• Hans-Christian Mennenga: Präödipale Helden. Neuere Männlichkeitsentwürfe im Hollywoodfilm. Die Figuren von Michael Douglas und Tom Cruise. transcript Verlag, Bielefeld 2011, ISBN 978-3-8376-1797-9.

Websteden

Michael Douglas. Mehr Biller, Videos oder Audiodateien to’t Thema gifft dat bi Wikimedia Commons.

• Michael Douglas in de Internet Movie Database (engelsch)
• Literatur vun un över Michael Douglas in’n Kataloog vun de Düütschen Natschonalbökeree
• Michael Douglas sien Biografie bi WHO’S WHO