Mopan (Stroom)
De Mopan (engelsch Mopan River, spaansch Río Mopan) is en över 200 Kilometer langen Stroom in Guatemala un Belize, de mit’n Macal River to’n Belize River tohoopflütt. Dat Afströömrebeed is 9434 km² groot.
| Mopan | |
|---|---|
| Laag | Guatemala, Belize |
| Stroomsystem | Belize River |
| Münn | flütt mit’n Macal River to’n Belize River tohoop |
| linke Blangenströöm | Río Sal Si Puedes |
| rechte Blangenströöm | Río Chiquibul |
 | |
_-_DSCN1174B.jpg)
Siet 1981 warrt in Benque Viejo del Carmen meten, woveel Water de Stroom föhrt. In’n Snidd över de Johren sünd dat so 20 bet 40 m³ in’e Sekunn. De höögste Weert weer 404 m³/s in’n November 1990.
Loop ännern
De Born liggt in de Reserva de la Biosfera Montañas Mayas Chiquibul in dat Municipio Dolores, Departamento Petén, Guatemala. De Born liggt bi’n Oort Las Lajas un nich wied af von de Grenz na Belize. Von dor flütt de Stroom de eersten Kilometer na Westen, bevör he na Noordwesten dreiht. He löppt in en Afstand von dree Kilometer an Dolores vörbi un denn an dat Dörp Calzada Mopan. Von dor flütt he na Noorden dör de Reserva de la Biosfera Maya (Municipio Melchor de Mencos) un nimmt von links den Río Sal Si Puedes op.
Bi La Polvora drippt de Stroom op de CA-13 un dreiht na Noordoosten. He föhrt an Cidabenque vörbi un dör El Cruzadero. Hier münnt de Río Chiquibul in’n Mopan. De Stroom drippt in Arenal op de Grenz na Belize. Twüschen Melchor de Mencos (Guatemala) un Benque Viejo del Carmen (Belize) geiht de CA-13 (Guatemala) mit en Brügg över’n Stroom un geiht denn in Belize as George Price Highway wieder.
De Stroom löppt an San Jose Succotz, Calla Creek, Paslow Falls un Bullet Tree Falls langs. In Bullet Tree Falls geiht de Santa Familia Road mit de Salvador-Fernandez-Brügg över’n Stroom röver. De Mopan flütt twüschen Santa Familia un San Ignacio mit’n Macal River tohoop. Von düsse Steed an warrt de Stroom Belize River nöömt. De Belize River münnt later in de Karibische See.
Historie ännern
De Hööftstadt von Belize, Belmopan, liggt 30 Kilometer in’n Noordoosten von de Steed, an de Mopan un Macal den Belize River billt. Liekers is de Naam von de Stadt, de 1970 nee grünnt worrn is, ut Belize un Mopan River tohoopsett.
Weblenken ännern
Koordinaten:17° 11′ N, 89° 5′ W