Bullet Tree Falls

Wapen/Flagg

Koort

Basisdaten

Distrikt: Cayo

Inwahners:

2.124 (2010-00-002010)

Geograafsche Laag:

Koordinaten:17° 10′ N, 89° 7′ W17° 10′ N, 89° 7′ W

Bullet Tree Falls is en Gemeen in’n Distrikt Cayo in Belize. De Inwahners sünd vör allen Mestizen, Maya un Kreolen.

Geografie

De Oort liggt an’n Mopan River, de en poor Kilometer in’n Oosten mit’n Macal River to’n Belize River tohoopflütt.

De Naveröörd sünd Billy White un Santa Familia in’n Noordoosten, Santa Elena in’n Oosten, San Ignacio in’n Süüdoosten, Maya Heights in’n Süden, Calla Creek in’n Süüdwesten un Paslow Falls in’n Westen.

Historie

Community Center in Bullet Tree Falls

In’n Noordwesten von’n Oort doot de Maya-Ruinen von El Pilar liggen.

1961 is de Oort von’n Hurrikan Hattie swoor drapen worrn. Ünner annern hebbt de School un de Kark dorbi Schaden nahmen.

Inwahnertall

Johr	Inwahners
2000-00-002000^[1]	1.294 Lüüd, 225 Huushollen
2010-00-002010^[2]	2.124 Lüüd, 426 Huushollen

Weertschop un Infrastruktur

Verkehr

Brügg över’n Mopan River

Dör’n Oort föhrt de Santa Familia Road, de in’n Süüdoosten na San Ignacio an’n George Price Highway föhrt un in’n Noordoosten över Santa Familia un Billy White na Spanish Lookout.

De George Price Highway löppt in’n Süüdwesten na Benque Viejo del Carmen un an de Grenz von Guatemala un in’n Noordoosten över Belmopan na Belize-Stadt.

De Salvador Fernandez Bridge över’n Mopan River is 1988 boot worrn.

De nächste Flegerplatz is de von Maya Flats un de Matthew Spain Airport bi Central Farm.