Neeland (Wischhoben)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Noordkeden Gemeen: Wischhoben
Inwahners:
Postleettall:	21737
Vörwahl:	04770
Geograafsche Laag:	53° 45′ N, 9° 20′ O

Neeland (hoochdüütsch Neuland) is en Dörp in de Gemeen Wischhoben (Samtgemeen Noordkeden) in’n Landkreis Stood, Neddersassen.

Geografie

Neeland liggt in de Masch an dat linke Över langs de Elv. De ole Siedenarm von de Wischhobener Süderelv löppt direkt an dat Dörp langs, von’n groten Stroom is de Oort dör de ole Elvinsel Kruutsand trennt. Achter de Masch slütt sik na Westen dat Kedener Moor an.

De Naveröörd sünd Wischhoben in’n Noorden, Kruutsand in’n Oosten, Doornbusch in’n Süden, Wulfsbrokermoor in’n Süüdwesten un Neelannermoor in’n Westen.

Historie

Verwaltungsgeschicht

De Oort weer vör 1859 Deel von de Vaagdie Neeland in dat Amt Wischhoben un denn von 1859 bet 1885 von dat Amt Freeborg. Na 1885 weer dat denn in’n Kreis Keden. 1932 is dat an’n Landkreis Stood kamen.

Neeland weer bet 1928/1929 en egen Gemeen un is denn Deel von de Gemeen Hamelwöörden worrn, de 1962 den Naam op Gemeen Wischhoben ännert hett.

Inwahnertall

Johr	Inwahners
1848-00-001848	596 Lüüd, 79 Hüüs
1858-00-001858	1.035
1910-12-011. Dezember 1910	1.339
1925-00-001925	1.321

Religion

Neeland is evangeelsch-luthersch präägt un höört to dat Kaspel von de Dionysius-Kark in Hamelwöörden.

För de Kathoolschen is de Hillig-Geist-Kark in Stood tostännig.

Infrastruktur

Verkehr

Neeland liggt an de Landsstraat 111, de in’n Süüdwesten na Drochters un Stood geiht un in’n Noordwesten na Wischhoben un Freiborg löppt. De L 111 is na Noorden to mit de Bundsstraat 495 övereen, de in Neeland von de L 111 na Westen aftwiegt un na Oosten un Basbeek/Warstood (Gemeen Hemmoor) löppt.

Von 1899 bet 1933 harr dat Dörp ok en Bahnhoff an de Kedener Kreisbahn.