Wapen/Flagg Koort
hett keen Wapen
Wulfsbrokermoor
Laag vun Wulfsbrokermoor in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Wischhoben
Inwahners:
Postleettall: 21737
Vörwahl: 04770
Geograafsche Laag:
Koordinaten:53° 44′ N, 9° 18′ O
53° 44′ N, 9° 18′ O

Karte

Wulfsbrokermoor (hoochdüütsch Wolfsbruchermoor) is en Oort in de Gemeen Wischhoben (Samtgemeen Noordkeden) in’n Landkreis Stood, Neddersassen.

Geografie ännern

Wulfsbrokermoor liggt in dat Kedener Moor von Keden, so bi twee Kilometer weg von de ole Wischhobener Süderelv un dör de Elvinsel Kruutsand trennt fiev Kilometer weg von de hüdige Elv. Dat Water ut dat Rebeed flütt över dat Wulfsbroker Fleet na de Wischhobener Süderelv.

De Naveröörd sünd Neelannermoor in’n Noorden, Neeland in’n Noordoosten, Wulfsbrook in’n Oosten, Doornbusch in’n Süüdoosten, Doornbuschermoor in’n Süden, Olendörp in’n Süüdoosten un Schüttdamm in’n Westen.

Historie ännern

De Oort is as Moorkolonie von Wulfsbrook ut grünnt worrn.

Verwaltungsgeschicht ännern

De Oort weer vör 1852 Deel von dat Kaspelsgericht Hamelwöörn in dat Grevengericht Bützfleet un hett von 1852 bet 1859 to dat Amt Wischhoben höört. Von 1859 bet 1885 weer de Oort in dat Amt Freeborg un denn in’n Kreis Keden. 1932 is dat an’n Kreis Stood kamen.

De Oort weer fröher Deel von de Buurschop Wulfsbrook, de later Deel von de Gemeen Hamelwöörden worrn is. Siet 1962 driggt de Gemeen Hamelwöörden den Naam Gemeen Wischhoben.

Inwahnertall ännern

Johr Inwahners
1791-00-001791[1] 23 Füürsteden
1824-00-001824[2] 23 Füürsteden
1871-12-011. Dezember 1871[3] 151 Lüüd, 28 Hüüs
1885-12-011. Dezember 1885[4] 159 Lüüd, 29 Hüüs
1905-12-011. Dezember 1905[5] 141 Lüüd, 30 Hüüs

Religion ännern

Wulfsbrokermoor is evangeelsch-luthersch präägt un höört to dat Kaspel von de Dionysius-Kark in Hamelwöörden.

För de Kathoolschen is de Hillig-Geist-Kark in Stood tostännig.

Kultur ännern

Verenen ännern

De Schüttenvereen Wulfsbrook is an’n 17. Februar 1924 grünnt worrn.

Weertschop un Infrastruktur ännern

För Wulfsbrokermoor is de freewillige Füürwehr Wischhoben mit tostännig.

Verkehr ännern

Wulfsbrokermoor liggt an de Kreisstraat 12, de in’n Noorden na Neelannermoor un Hamelwöördenermoor geiht un in’n Süden na Doornbuschermoor un Theisbrüggermoor löppt. De K 12 warrt von de Bundsstraat 495 krüüzt, de in’n Westen över Schüttdamm na Oosten un Hemmoor/Basbeek/Warstood löppt un in’n Oosten na Neeland an de Landsstraat 111 ran.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 27 Kilometer in’n Süüdoosten von Wulfsbrokermoor an de L 111.

Von 1899 bet 1933 hett dat dichtbi in Neeland en Bahnhoff an de Kedener Kreisbahn geven. Vondaag is de nächste Bahnhoff de Bahnhoff Hemmoor in Basbeek an de Nedderelvbahn von Cuxhoben na Hamborg, de so bi twölv Kilometer weg is.

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93