Neenlannersiel

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Lox
Inwahners:
Postleettall:	27612
Vörwahl:	04740
Geograafsche Laag:	53° 25′ N, 8° 30′ O

Neenlannersiel (hoochdüütsch Neuenlandersiel) is en lütten Oort in de Gemeen Lox in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Neenlann.

Geografie

De Oort liggt an dat Över von de Ünnerwerser, dor wo fröher dat Neenlanner Sieldeep in de Werser münnt is. In’n Süüdwesten liggt dat Naturschuulrebeed Neenlanner Butendiek.

De Naveröörd sünd Büttelersiel un Deesdorp in’n Noorden, Indiek un Büttel in’n Noordoosten, Neenlann in’n Oosten un Dreptersiel in’n Süden.

Op dat annere Över von de Werser doot in’n Süüdwesten Roonkarken un Hartwarden liggen, in’n Westen Beckumersiel un in’n Noordwesten Lüttensiel.

Historie

Verwaltungsgeschicht

De Oort hett vör 1885 to dat Amt Hagen tohöört un leeg dor in Noord-Oosterstood. Na 1885 weer dat in’n Kreis Geestmünn. 1932 is dat Deel von’n Kreis Wersermünn un 1977 von’n Landkreis Cuxhoben worrn.

De Oort hett von öllers bi de Gemeen Neenlann mit bihöört, de an’n 1. März 1974 mit de Gemeenreform in Neddersassen Deel von de Gemeen Lox worrn is. Sietdem höört Neenlannersiel binnen de Gemeen to de Oortschop Neenlann.

Inwahnertall

Johr	Inwahners
1871-12-011. Dezember 1871	16 Lüüd, 3 Huus
1885-12-011. Dezember 1885	24 Lüüd, 3 Hüüs
1905-12-011. Dezember 1905	11 Lüüd, 2 Hüüs

Religion

Neenlannersiel is evangeelsch-luthersch präägt un höört to dat Kaspel von de Laurentius-Kark in Deesdorp.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur

Verkehr

Neenlannersiel is över lüttjere Straten anbunnen an de Kreisstraat 50, de in’n Noorden na Büttel föhrt un denn in de Landsstraat 121 övergeiht, de na Deesdorp löppt. De K 50 is dor ok an de Bundsstraat 437 anbunnen. In’n Süden löppt de K 50 na Rechtenfleth, Saans, Offenwarden un Weersbe.

De nächste Autobahn is de Autobahn 27 (Afsnidd Bremen–Bremerhoben). De Opfohrt 11 Stotel liggt so söven Kilometer in’n Noordoosten von Neenlannersiel an de B 437.

De nächste Bahnhoff is so bi 14 Kilometer wied weg in’n Noordoosten de Bahnhoff Lox an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhööv Büttel un Neenlann legen veer Kilometer in’n Noordwesten/Westen.