Dit Woort hett noch annere Bedüden: kiek dorför ünner Neenslüüs (Gemeen Kumbarg).

Wapen/Flagg Koort
hett keen Wapen
Neenslüüs
Laag vun Neenslüüs in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 04162
Geograafsche Laag:
Koordinaten:53° 33′ N, 9° 40′ O
53° 33′ N, 9° 40′ O

Karte

Neenslüüs (hoochdüütsch Neuenschleuse) is en Oort in de Gemeen Jörk in’n Landkreis Stood, Neddersassen. De Oort höört polietsch von öllers bi Bossel bi.

Luftbild von Neenslüüs (2012)
Luftbild von’n olen un ne’en Haven (2012)

Geografie ännern

Neenslüüs liggt an de Elv in de Masch von Oolland. De Neenslüser Wettern münnt dor in de Elv. Vör Neenslüüs liggt in de Elv Hanskalvsand. In’n Oosten liggt Hahnöversand.

De Naveröörd sünd Bossel un Jörk in’n Süüdoosten, Westerjörk in’n Süden, Gehrden in’n Süüdwesten, Mittelskark in’n Westen un Höhen, Lüh un Wisch in’n Noordwesten. Op dat annere Över von de Elv in Sleswig-Holsteen liggt Wedel.

Historie ännern

 
Siel an de Neenslüser Wettern

De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Landkreis Stood worrn.

De Oort is as Deel von de Gemeen Bossel an’n 1. Juli 1972 Deel von de Gemeen Jörk worrn.

In’n Eersten Weltkrieg sünd söss Soldaten ut Neenslüüs fullen oder vermisst un in’n Tweten Weltkrieg acht.[1]

Inwahnertall ännern

Johr Inwahners
1871-12-011. Dezember 1871[2] 229 Lüüd, 37 Hüüs
1885-12-011. Dezember 1885[3] 214 Lüüd, 33 Hüüs
1905-12-011. Dezember 1905[4] 182 Lüüd, 29 Hüüs

Religion ännern

Neenslüüs is evangeelsch-luthersch präägt un höört to dat Kaspel von de St.-Nicolai-Kark in Bossel.

Kultur ännern

En Denkmaal för de Fullenen ut de twee Weltkrieg’ steiht in Bossel op’n Karkhoff.

Weertschop un Infrastruktur ännern

 
Füürwehr Bössel in Neenslüüs

För Neenslüüs is de freewillige Füürwehr Bössel mit tostännig, de ehr Sprüttenhuus in Neenslüüs an’n olen Haven hett.

Verkehr ännern

Dör Neenslüüs löppt de Kreisstraat 39, de in’n Noordwesten na Greundiek an de Landsstraat 140 geiht un in’n Süüdosten över Bossel na Cranz. Na Süüdwesten geiht von de K 39 de K 38 na Gehrden un an de L 140 ran.

De nächste Autobahn is de Autobahn 26 (Afsnidd StoodHamborg). De Opfohrt 6 Jörk liggt so söven Kilometer in’n Süden von Neenslüüs.

De nächste Bahnhoff is so bi negen Kilometer wied weg in’n Süüdwesten de Bahnhoff Hornborg an de Nedderelvbahn.

Footnoten ännern

  1. http://www.denkmalprojekt.org/2010/jork-borstel_wk1u2_ns.htm
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92

Weblenken ännern

  Neenslüüs. Mehr Biller, Videos oder Audiodateien to’t Thema gifft dat bi Wikimedia Commons.