Nelson (Trochel)
Nelson (hoochdüütsch Nelson) weer en lütten Oort, de to Trochel tohöört hett. Dat Rebeed liggt vondaag in de Gemeen Brookel (Samtgemeen Bootel) in’n Landkreis Rodenborg, Neddersassen.
Geografie ännern
De Oort liggt in’t Holt Trochel. Dat Water ut dat Rebeed flütt över lüttjere Beken na de Wiedau hen af.
De Naveröörd weren Hemslingen in’n Noordoosten, Söhlingen in’n Oosten, Bellen in’n Süüdoosten, Brätel in’n Süüdwesten, Bootel in’n Westen un Trochel un Brookel in’n Noordwesten.
Historie ännern
De Oort Nelson is to Anfang von dat 19. Johrhunnert von de Herrn op Good Trochel grünnt worrn. Nöömt hebbt se em na’n brietschen Admiral Lord Nelson, de as Seeheld ok in dat Königriek Hannover verehrt worrn is. Dat Königriek weer to de Tied in Personalunion mit Grootbritannien verbunnen. In dat 20. Johrhunnert is de Oort denn verlaten worrn.
Verwaltungsgeschicht ännern
De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg.
Inwahnertall ännern
| Johr | Inwahners |
|---|---|
| 1. Dezember 1871[1] | 35 Lüüd, 4 Hüüs |
| 1. Dezember 1885[2] | 15 Lüüd, 3 Hüüs |
| 1. Dezember 1905[3] | 11 Lüüd, 2 Hüüs |
Religion ännern
Nelson weer evangeelsch-luthersch präägt un hett to dat Kaspel von de Hillig-Krüüz-Kark in Brookel höört.
Weertschop un Infrastruktur ännern
Verkehr ännern
De Oort leeg an de hüdige Kreisstraat 210, de in’n Noordwesten an dat Good Trochel langs na de Bundsstraat 71 bi Brookel ran geiht un in’n Süden över Bellen, Roosbrook un Bookholt na de B 440 bi Visselhöövd.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 181
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
Koordinaten:53° 5′ N, 9° 33′ O