Oosterbötzen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 19′ N, 9° 23′ O53° 19′ N, 9° 23′ O | |
|
| ||
Oosterbötzen (hoochdüütsch Osterboitzen) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers bi Bötzen mit bi.
Geografie ännern
In’n Westen von Oosterbötzen flütt de Knüllbeek langs, de in’n Süüdwesten in de Oost münnt.
De Naveröörd sünd Bötzenbossel in’n Noorden, Sellhorn in’n Noordoosten, Maschhorst in’n Oosten, Langenfeld un Hanraad in’n Süüdoosten, Wiertzen in’n Süden, Oosterheeßel in’n Süüdwesten un Bötzen in’n Noordwesten.
Historie ännern
Verwaltungsgeschicht ännern
In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall ännern
| Johr | Inwahners |
|---|---|
| 1824[1] | 2 Füürsteden |
| 1848[2] | 11 Lüüd, 2 Hüüs |
| 1. Dezember 1871[3] | 9 Lüüd, 2 Hüüs |
Religion ännern
Oosterbötzen is evangeelsch-luthersch präägt un höört to dat Kaspel von de Vitus-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur ännern
Verkehr ännern
Oosterbötzen is över lüttjere Straten in’n Süüdoosten anbunnen an de Kreisstraat 130 in Oosterheeßel, in’n Noordwesten in Bötzen an de Landsstraat 124 un in’n Süden in Wiertzen an de L 142. De L 124 geiht denn in’n Süüdwesten na Zeven un an de Bundsstraat 71 ran un in’n Noordoosten över Steddörp un Wangersen na Ohlers, Harsfeld un Stood. De L 142 geiht in’n Westen över Wiersdörp na Zeven un in’n Oosten över Groot Meckels na Zittens un bi Töst an de Bundsstraat 75.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so 13 Kilometer in’n Süüdoosten von Oosterbötzen.
De nächste Bahnhoff is so bi 18 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu.
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 72: http://books.google.de/books?id=tG0AAAAAcAAJ&pg=RA1-PA72
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170