Oosterheeßel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 19′ N, 9° 22′ O53° 19′ N, 9° 22′ O | |
|
| ||
Oosterheeßel (hoochdüütsch Osterheeslingen) is en Dörp in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Heeßel mit bi.
Geografie
ännernDör Oosterheeßel flütt de Knüllbeek, de en Stück in’n Süden von’n Oort in de Oost münnt.
De Naveröörd sünd Bötzen un Oosterbötzen in’n Noordoosten, Maschhorst un Langenfeld in’n Oosten, Hanraad un Wiertzen in’n Süüdoosten, Ahoff un Adiek in’n Süden, Wiersdörp in’n Süüdwesten un Heeßel in’n Westen.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is as Deel von de Gemeen Heeßel bi de Gemeenreform in Neddersassen an’n 1. März 1974 Deel von de vergrötterte Gemeen Heeßel worrn.
Inwahnertall
ännern| Johr | Inwahners |
|---|---|
| 1793[1] | 4 Füürsteden |
| 1824[2] | 4 Füürsteden |
| 1848[3] | 42 Lüüd, 6 Hüüs |
| 1. Dezember 1871[4] | 43 Lüüd, 7 Hüüs |
Religion
ännernOosterheeßel is evangeelsch-luthersch präägt un höört to dat Kaspel von de Viti-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernDör Oosterheeßel löppt de Kreisstraat 130, de in’n Westen na Heeßel an de Landsstraat 124 geiht un in’n Süüdoosten na Wiertzen an de L 142. De L 124 geiht denn in’n Süüdwesten na Zeven un an de Bundsstraat 71 ran un in’n Noordoosten över Bötzen, Steddörp un Wangersen na Ohlers, Harsfeld un Stood. De L 142 geiht in’n Westen över Wiersdörp na Zeven un in’n Oosten över Groot Meckels na Zittens un bi Töst an de Bundsstraat 75. Lüttjere Straten loopt ans na Bötzen un Oosterbötzen.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so ölven Kilometer in’n Süden von Oosterheeßel.
De nächste Bahnhoff is so bi 19 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu.
Footnoten
ännern- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 105: https://books.google.de/books?id=jN5QAAAAcAAJ&pg=RA1-PA105
- ↑ C. H. Jansen: Statistisches Handbuch des Königreichs Hannover. 1824, Sied 258: http://books.google.de/books?id=tG0AAAAAcAAJ&pg=PA258
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171: https://books.google.de/books?id=qTZDAQAAMAAJ&pg=RA1-PA171