Oosterweed (Landkreis Oosterholt)

Wapen/Flagg	Koort
Basisdaten
Bundsland: Neddersassen Landkreis: Oosterholt Gemeen: Worpsweed
Inwahners:
Postleettall:	27726
Vörwahl:	04792
Geograafsche Laag:	53° 14′ N, 8° 56′ O

Oosterweed (hoochdüütsch Osterwede) is en Dörp in de Gemeen Worpsweed in’n Landkreis Oosterholt, Neddersassen.

De Oort is nu mit Worpsweed kumplett tohoopwussen. Üm Worpsweed rüm gifft dat ok de Öörd Westerweed, Süüdweed un Noordweed.

Geografie

De Naveröörd sünd Weyerdelen in’n Noorden, Umbeek in’n Noordoosten, Bargdörp in’n Oosten un Worpsweed in’n Süüdwesten.

Historie

Heinrich Vogeler hett 1895 en Kaat in Oosterweed köfft un hett to de eerste Generatschoon von Künstlers in de Künstlerkolonie Worpsweed höört.

De Oort hett vör 1852 to dat Amt Oosterholt tohöört un denn von 1852 bet 1885 to dat Amt Leendaal. Na 1885 weer dat in’n Kreis Oosterholt. 1932 is dat Deel von’n ne’en grötteren Kreis Oosterholt worrn.

De Oort is an’n 1. Oktober 1936 mit Oostendörp, en Deel von Waakhusen, Worpheim un Worpsweed to de Gemeen Worpsweed tohoopleggt worrn.

Inwahnertall

Johr	Inwahners
1848-00-001848	119 Lüüd, 21 Hüüs
1910-12-011. Dezember 1910	209
1925-00-001925	206

Religion

Oosterweed is evangeelsch-luthersch präägt un höört to dat Kaspel von de Zion-Kark in Worpsweed.

Weertschop un Infrastruktur

Verkehr

Oosterweed liggt bi de Landsstraat 153, de in’n Noordoosten över Mevenst un Huttenbusch na Korlshöben geiht un in’n Süden över Worpsweed na Leendaal.

De nächste Autobahn is de Autobahn 27. De Opfohrt 17 Dreeeck Bremen-Industriehavens liggt so 20 Kilometer in’n Süüdwesten von Oosterweed.

De nächste Bahnhoff is so bi 13 Kilometer wied weg in’n Westen in Oosterholt-Scharmbeek an de Bahnlien Bremen–Bremerhoben.