Op’n Sand

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Bootel Gemeen: Karkwals
Inwahners:
Postleettall:	27386
Vörwahl:	04269
Geograafsche Laag:	53° 2′ N, 9° 26′ O

Op’n Sand (hoochdüütsch Auf dem Sande) is en lütten Oort in de Gemeen Karkwals (Samtgemeen Bootel) in’n Landkreis Rodenborg, Neddersassen. De Oort höört von öllers bi Karkwals mit bi.

Geografie

De Naveröörd sünd Hassel un Riekenbossel in’n Noordoosten, Lürken in’n Süüdoosten, Wittenmoor in’n Süden, Süderwals un Karkwals in’n Süüdwesten, Westerwals in’n Westen un Fedderlohmöhlen in’n Noordwesten.

Historie

De Sand is as Anbo von Karkwals ut grünnt worrn.

Verwaltungsgeschicht

De Oort hett vör 1885 to de Amtsvaagdie Karkwals in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

In dat 19. Johrhunnert hett de Sand to de Buurschop Karkwals höört un later to de Gemeen Karkwals. Mit de Gemeenreform in Neddersassen an’n 1. März 1974 is de Gemeen Karkwals mit Riekenbossel to de ne’e un gröttere Gemeen Karkwals tohoopgahn.

Inwahnertall

Johr	Inwahners
1848-00-001848	36 Lüüd, 4 Hüüs
1871-12-011. Dezember 1871	34 Lüüd, 3 Hüüs
1885-12-011. Dezember 1885	8 Lüüd, 3 Hüüs
1905-12-011. Dezember 1905	9 Lüüd, 2 Hüüs

Religion

De Sand is evangeelsch-luthersch präägt un höört to dat Kaspel von de Bartholomäus-Kark in Karkwals.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur

Verkehr

De Sand is över en lüttjere Straat anbunnen an de Kreisstraat 209, de in’n Süüdwesten na Karkwals un in’n Noordoosten över Riekenbossel an de Bundsstraat 440 un wieder na Bootel löppt. Von Karkwals geiht de K 206 in’n Süüdwesten na Süderwals un in’n Noordoosten an de B 404 un na Hast un Worth. Von Karkwals geiht tosätzlich de K 205 in’n Oosten na Wittörp un in’n Noordwesten na Westerwals un an de B 215. De B 215 föhrt in’n Süüdwesten na Veern un in’n Noordoosten na Rodenborg. De B 440 geiht in’n Noordwesten na Rodenborg un in’n Süüdoosten na Visselhöövd.

De nächste Autobahn is de Autobahn 27 (Afsnidd Bremen–Wasra). De Opfohrten 25 Veern-Noord un 26 Veern-Oost doot knapp 17 Kilometer in’n Süüdwesten von’n Sand liggen. De Opfohrt 51 Posthusen op de Autobahn 1 (Afsnidd Hamborg–Bremen) liggt 22 Kilometer in’n Noordwesten an de L 155.

De nächste Bahnhoff is so bi 13 Kilometer wied weg in’n Noorden de Bahnhoff Rodenborg an de Bahnlien Hamborg–Bremen. Fröher hett dat ok op’n Bahnhoff Westerwals an de Bahnlien Veern–Rodenborg Personenverkehr geven. Disse Bahnhoff leeg söss Kilometer in’n Westen.

Scholen

De Kinner gaht na de Grundschool Karkwals.