Hassel (Heemsbünnen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27386 | |
| Vörwahl: | 04260 | |
| Geograafsche Laag: | Koordinaten:53° 3′ N, 9° 28′ O53° 3′ N, 9° 28′ O | |
|
| ||
Hassel (hoochdüütsch Hassel) is en Dörp in de Gemeen Heemsbünnen (Samtgemeen Bootel) in’n Landkreis Rodenborg, Neddersassen.
Geografie
ännernDat Water ut dat Rebeed flütt över’n Hasselbeek na de Rodau hen af.
De Naveröörd sünd Hast un Worth in’n Noorden, Bootel in’n Noordoosten, Bretel in’n Süüdoosten, Riekenbossel in’n Süden, Fedderlohmöhlen in’n Süüdwesten un de Hartmannshoff un Grafel in’n Noordwesten.
Historie
ännernHassel höört to de Waterdörper.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Rodenborg in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör tohoopgahn is un den hüdigen Landkreis Rodenborg billt hett.
De Oort is an’n 1. März 1974 mit de Gemeenreform in Neddersassen Deel von de Gemeen Heemsbünnen worrn.
Inwahnertall
ännern| Johr | Inwahners |
|---|---|
| 1791[1] | 5 Füürsteden |
| 1812[2] | 43 |
| 1824[3] | 6 Füürsteden |
| 1848[4] | 52 Lüüd, 7 Hüüs |
| 1. Dezember 1871[5] | 59 Lüüd, 7 Hüüs |
| 1. Dezember 1885[6] | 72 Lüüd, 9 Hüüs |
| 1. Dezember 1905[7] | 72 Lüüd, 10 Hüüs |
| 1. Dezember 1910[8] | 79 |
| 1925[9] | 96 |
| 1933[9] | 87 |
| 1939[9] | 87 |
Religion
ännernHassel is evangeelsch-luthersch präägt un höört to dat Kaspel von de Stadtkark in Rodenborg. Blots dat enkelte Huus ganz in’n Süden in’n Hundsloh höört bi dat Kaspel von de Johannis-Kark in Visselhöövd.
För de Kathoolschen is de Corpus-Christi-Kark in Rodenborg tostännig.
Dat Dörp hett en egen Karkhoff.
Kultur
ännernVerenen
ännernDe Schüttensport warrt in’n Schüttenvereen Waterdörper von 1919 bedreven.
Weertschop un Infrastruktur
ännernFör Hassel is de freewillige Füürwehr Heemsbünnen mit tostännig.
Verkehr
ännernDör Hassel löppt de Bundsstraat 440, de in’n Noordwesten na Rodenborg geiht un in’n Süüdoosten na Wittörp un Visselhöövd.
De nächsten Autobahnen sünd de A 1 (Afsnidd Hamborg–Bremen) un de A 27 (Afsnidd Bremen–Wasra). De Opfohrt 49 Bokel op de A 1 liggt so 21 Kilometer in’n Noordwesten von Hassel an de B 71. De Opfohrt 50 Stuckenbossel op de A 1 un de Opfohrten 25 Veern-Noord un 26 Veern-Oost op de A 27 sünd all 22 Kilometer wied weg.
De nächste Bahnhoff is so bi acht Kilometer wied weg in’n Noordwesten de Bahnhoff Rodenborg an de Bahnlien Hamborg–Bremen. Von 1906 bet 1958 hett dat ok Personenverkehr op de Bahnlien Bremervöör–Wasra geven. In düsse Tied leeg de Bahnhoff Brookel söss Kilometer in’n Noordoosten.
Scholen
ännernDe Kinner gaht na de Grundschool Karkwals.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 97
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 250
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
