Outbreak
Outbreak (op Platt so veel as „Utbrook“; dt. Titel: Outbreak – Lautlose Killer) is de Titel vun en US-amerikaanschen Thriller ut dat Johr 1995 vun den düütschen Speelbaas Wolfgang Petersen. De Film baseert op den Ümstännroman The Hot Zone vun Richard Preston. An de Produkschoon weern de beiden Firmen Punch Productions un Warner Bros. Pictures bedeeligt. De Premieer vun den Film weer an’n 6. März 1995 in Westwood, Kalifornien. In de düütschen Kinos weer de Film to’n eersten mol an’n 30. März to sehn.
| Filmdaten | |
|---|---|
| Plattdüütsch Titel: | — |
| Originaltitel: | Outbreak |
| Düütsch Titel: | Outbreak – Lautlose Killer |
| Produkschoonsland: | USA |
| Johr vun’t Rutkamen: | 1995 |
| Läng: | 120 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Wolfgang Petersen |
| Dreihbook: | Laurence Dworet, Robert Roy Pool |
| Produkschoon: | Arnold Kopelson, Wolfgang Petersen Gail Katz u. a. |
| Musik: | James Newton Howard |
| Kamera: | Michael Ballhaus |
| Snitt: | William Hoy Lynzee Klingman u. a. |
| Dorstellers | |
| |
In den Film geiht dat üm dat Gegen’annerspelen vun zivile un militäärsche Intressen in Hensicht op bioloogsche Wapen.
Inholt
ännernDe Film fangt an in de verleden Tiet un wiest Szenen ut en Krieg in Zaire. In en militäärsch Lazarett leegt Besehrte, man bito grippt en gresige Süük üm sik, an de al vele Soldaten dood bleven sünd. Experten vun’t viroloogsch Afdeel bi’t Militär besökt dat Lager un besluut, en Fleger to schicken, de mit en Aerosolbomb dat Lager tonichten to maken un dormit ok dat gefährliche Virus.
In de Nutiet: In en Dörp in Zaire gifft dat Fäll vun gresige Krankheiten, de ok binnen wenige Daag to’n Dood föhrt. De Viroloog Sam Daniels USAMRIID warrt mit sien Grupp henschickt, üm sik en Bild to maken. He winnt den böse Verdacht, dat sik dat üm dat aggressive Motaba-Virus hannelt – en Afoort vun Ebola, de sik gau utbreden deit. As Överdräger warrt en Deert vermoodt, dat gegen dat Virus immun is.
Torüch in Amerika kamt al na korte Tiet glieke Symptomen vör, de in een lütte Stadt üm sik grippt. Dat Virus kann dör gau Ingriepen indämmt warrn, man korte Tiet later gifft dat ne’e Kranke in en anneren Stadt. In de lütten Stadt Cedar Creek breedt sik dat Virus gau ut. Wiel dat Krankenhuus sik gau füllt un de eersten Kranken dood blievt, maakt sik Daniels un sien Lüüd op de Söök na dat Weertsdeert, dat dör sien Immunität vun Bedüden is bi’t Herstellen vun en Empstoff is.
Na eenig Hen un Her finnt se rut, dat dat Weertsdeert en söten lütten Aap is. Se künnt dat Beest utfinnig maken un infangen – dormit steiht de Herstellen vun den Empstoff an sik nix mehr in’n Weg. Man bi jemehrn kriegt se Gegenwind vun’t Militär in Person vun General McClintock, de nipp un nau weet, woneem dat Virus herkummt. Dat is neemlich en bioloogsch Wapen, dat he tohopen mit General Ford in fröhere Tiet in’t egen Labor tücht hett un bi en Insatz in’n Krieg verbeedt worrn is. Ofschoonst he ok al en Grundlaag för’t Gegenmiddel hett, will he „sien Wapen“ redden un tütt dat vör, de hele Stadt Cedar Creek – so as dat Militärlager in verleden Tiet – dör en Bomb tonichten to maken. Üm Daniels doran to Hinnern, dat Serum to maken, sett McClintock allns doran, em un den App an’ne Siet to bringen un ordent to glieken Tiet an, de Stadt mit all sien Inwahners uttolöschen.
In en dramaatsch Showdown kriggt Daniels dat mit Help vun sien jungen Kolleg Major Salt, de Wohrheit an’t Licht to bringen. Mit jemehrn Heevschruver fleggt se den Bomber nipp un nau in’n Weg un snackt op den Pilot in, üm en to berkloren, dat se dat Gegenmiddel herstellen künnt un de Insatz dormit unnödig un verkehrt is. För’n Ogenblick sütt dat ut, as wull de Pilot blots op sien Order acht geven, man denn smitt he de Bomb an en verkehrte Steed över de See af, woneem se explodeert ahn Schaden to maken. General McClintock warrt an Enn vun sien fröheren Mitweter, General Ford, fangen nahmen laten.
Kritiken
ännernLexikon vun’n internatschonalen Film: „langatmige, unoriginelle Aufarbeitung von Genre-Klischees, in deren computerhafter Schematik äußere Effekte die innere Spannung des Themas überwuchern.“[1]
Zelluloid: „grund solider Thriller, der einem buchstäblich die Luft zum Atmen raubt. Perfekte Spannung und gekonnt plazierte Action runden den äußerst positiven Eindruck ab.“[2]
Georg Seeßlen: „nicht eine Möglichkeit ausgelassen, [...] aus dem Stoff das Optimum an Spannung und Effekten herauszuholen [...] vollkommen durchdacht, waghalsig kritisch und muffig reaktionär zugleich. Eine Dramatisierung, die gleichwohl noch zu Genüge auf die wirklichen Ereignisse hinweist.“[3]
Utteken
ännernOutbreak hett twee Filmpriesen wunnen un is för twee wietere nomineert wesen:
- 1995: den NYFCC Award in de Kategorie Best Nevendorsteller för Kevin Spacey.
- 1996: nomineert för den Image Award in de Kategorie Rutragen Nevendorsteller för Cuba Gooding Jr..
- 1996: nomineert för den Saturn Award in de Kategorie Best Science-Fiction-Film.
- 1996: den ASCAP Award in de Kategorie Top Box Office Films för James Newton Howard.