Philip S. W. Goldson International Airport
De Philip S. W. Goldson International Airport oder ok Belize International Airport is en Flegerhaven bi Belize-Stadt, wat de gröttste Stadt von dat Land Belize un den Distrikt Belize is. He liggt bi de Öörd Ladyville un Lords Bank 13 km in’n Noordwesten von de Stadt un an dat Noordöver von’n Belize River. He is över’n Philip Goldson Highway an Belize-Stadt anslaten. In’n Süden warrt opstunns (Stand 2020) de Airport Link Road boot, de den Flegerhaven direkt mit’n George Price Highway verbinnt, de na Belmopan löppt. Dat Gelänn is 185 Hektar groot. Dat gifft en 10.200 m² groot Terminalgebüüd mit twee Terminals un söven Gates.
| Philip S. W. Goldson International Airport | |||||||
|---|---|---|---|---|---|---|---|
 | |||||||
| IATA-Kood: | BZE | ||||||
| ICAO-Kood: | MZBZ | ||||||
| Hööchd: | 5 m över MSL | ||||||
| Laag: | Koordinaten:17° 32′ N, 88° 18′ W17° 32′ N, 88° 18′ W | ||||||
| Stadt: | liggt 13 km noordwesten vun Belize-Stadt | ||||||
| apen maakt: | 1943 | ||||||
| Bedriever: | Belize Airport Concession Company Ltd. | ||||||
| Besitter: | Belize Airports Authority | ||||||
| Terminals: | 2 | ||||||
| Flooggäst: | 1.130.000 (2018) | ||||||
| Fracht: | 1,1 Mio. kg (2018) | ||||||
| Flöög: | 31.266 (2018) | ||||||
| Bahnen: | |||||||
| |||||||
Stand 2018 hett dat 5133 Flöög na’t Butenland un 26.133 Flöög na’t Binnenland geven.[1] Dat weren tohoop 1,13 Milljonen Flooggäst un 1,1 Milljonen Kilogramm Fracht.[1]
Historie
ännernDe Flegerhaven is 1943 mit en 1524 m (5000 Foot) lange Lannbahn plus Rullweg un en lütt Vörfeld anleggt worrn. Oliver Stanley to Ehren is de Flegerplatz Stanley Field nöömt worrn.[2] 1944 is en Terminal boot worrn, dat offiziell an’n 15. Januar 1945 apenmaakt hett. 1958 is dat Terminal üm- un utboot worrn un de Flegerplatz hett en ne’en Tower kregen.[2]
1990 hett de Flegerhaven nee apenmaakt un hett dorbi denn ok sien hüdigen Naam kregen, nöömt na’n Politiker Philip Stanley Wilberforce Goldson.[2] De Lannbahn is toeerst op 2164 m (7100 Foot) utboot worrn. Opstunns is se 2957 m lang (9700 Foot) un dat Vörfeld 57.200 m² groot.
Egendömer von’n Flegerhaven is de Belize Airports Authority. Bedreven warrt he aver siet 1. April 2004 von de Belize Airport Concession Company Ltd.
Internatschonaal warrt de Flegerhaven vör allen von Flegers ut Noordamerika un de Karibik anflagen. Binnenlands is de Flegerhaven de wichtigste Knüttenpunkt för’n Flegerverkehr un ünner annern Dreihkrüüz von de regionalen Flegerlienen Maya Island Air un Tropic Air.
Footnoten
ännernWeblenken
ännern
Philip S. W. Goldson International Airport. Mehr Biller, Videos oder Audiodateien to’t Thema gifft dat bi Wikimedia Commons.
Belize City Ladyville | Belize City Municipal | Corozal | Dangriga | Maya Flats | Placencia | Punta Gorda | San Pedro