Pichi üñëm

Pichi üñëm is en Maand, de sik üm den Asteroid (702) Alauda bewegt.

Naam un Opdecken

Pichi üñëm is an’n 26. Juli 2007, ruchweg 97 Johren na’t Opdecken vun den Asteroid sülvst, vun Patricio Rojo un Jean-Luc Margot an’t ESO-8m-Very Large Telescope op den Barg Cerro Paranal in Chile opdeckt worrn. Dorbi weer de Adaptive Optik anwennt. De Opdecken weer an’n 2. August 2007 publiek maakt. De vörlööpige Naam vun den Naam weer S/2007 (702) 1.

Den offiziellen Naam Pichi üñëm hett de Maand an’n 12. Oktober 2011 dör de Internatschonale Astronoomsche Union (IAU) kregen. Översett bedüüt de Naam „lütten Vagel“ un kummt ut de indigenen Spraak Mapudungun, de in Chile un Argentinien vun de Mapuche snackt warrt.

Ümloopbahn un Rotatschoon

Pichi üñëm löpt op en prograden Bahn, meist op en perfekten Krink twüschen 1.223 un 1.231 km Afstand to’n Middelpunkt vun Alauda. De Grote Bahnhalfass is 1.227 km, wat ümrekent 12,15 mol de Radius vun den Asteroid is. De Bahn hett en Exzentrizität vun 0,003. Wo veel de Bahn gegen den Äquater neegt is, is opstünns noch nich bekannt.

De Ümloop vun den Maand üm den Asteroid duert 4 Daag 21 Stünnen un 56 Minuuten. Dat heet, dat de Maand in een Alauda-Johr (üm un bi 5,7 Johren op de Eer) ruchweg 423,83 mol üm den Asteroid kreist.

Egenschoppen

Pichi üñëm heet en Dörmeter vun ruchweg 3,51 km. Dat is üm un bi 2% vun den Asteoriden-Dörmeter. Woans de Maand opboet is, dorto is noch nix utforscht.

Kiek ok

• List vun de Maanden vun Asteroiden