Rade (Swonewebel)

Wapen/Flagg

Koort

Basisdaten

Bundsland: Neddersassen

Landkreis: Oosterholt

Gemeen: Swonewebel

Flach:

6,03 km²

Inwahners:

247 (2012-06-3030. Juni 2012)

41 Inwahners pro km²

2 m över NN

28790

04296

Koordinaten:53° 16′ N, 8° 31′ O53° 16′ N, 8° 31′ O

Rade (hoochdüütsch Rade) is en Dörp in de Gemeen Swonewebel in’n Landkreis Oosterholt, Neddersassen. Bi Rade höört ok de Fährplaat to.

Geografie

Rade liggt in de Oosterstoder Masch. Bet to de Werserkorrekschoon (1887–1895) leeg dat ok an de Werser. Vondaag liggt de Hauptstroom von de Werser aver en goden Kilometer in’n Westen. Nich wied af von Rade münnt de fröhere Rechte Blangenarm von de Werser in’n Stroom.

De Naveröörd sünd Hassel un Wortfleet in’n Noorden, Aschwarden un Brook in’n Noordoosten, Meyenborg un Hinnbeek in’n Oosten, Ne’enkarken in’n Süden un Harriersand in’n Noordwesten.

Historie

Rade kummt üm 1100 rüm toeerst in de Oorkunnen vör.

In’n April 1854 sünd bi en Füür 19 Hööv afbrennt un in’n Mai 1929 wedder bi en Füür ölven Hööv.

In de Franzosentied von 1810 bet 1814 hett de Oort to de Mairie Blomendal in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett bet 1885 to de Amtsvaagdie Ne’enkarken in dat Amt Blomendal tohöört. En lütten Deel mit dree Hüüs hett ganz fröher ok to dat Amt Hagen höört. Na 1885 weer dat in’n Kreis Blomendal. 1932 is dat Deel von’n Kreis Oosterholt worrn.

1966 hett de Oort tohoop mit Ne’enkarken un Aschwarden de Samtgemeen Ne’enkarken billt. Mit de Gemeenreform in Neddersassen to’n 1. März 1974 sünd Gemeen un Samtgemeen oplööst worrn. Rade is Deel von de Gemeen Swonewebel worrn.

Inwahnertall

Johr	Inwahners
1793-00-001793^[1]	50 Füürsteden
1812-00-001812^[2]	328
1824-00-001824^[3]	50 Füürsteden
1848-00-001848^[4]	373 Lüüd, 56 Hüüs
1871-12-011. Dezember 1871^[5]	316 Lüüd, 56 Hüüs
1910-12-011. Dezember 1910^[6]	266
1925-00-001925^[7]	294
1933-00-001933^[7]	293
1939-00-001939^[7]	304

Religion

Rade is evangeelsch-reformeert präägt un höört to dat Kaspel von de Michaelskark in Ne’enkarken.

För de Kathoolschen is de St.-Ansgar-Kark in Swonewebel tostännig.

Kultur

Verenen

Rade hett en egene freewillige Füürwehr.

Weertschop un Infrastruktur

Verkehr

Dör Rade löppt de Kreisstraat 2, de in’n Noorden na Aschwarden, Wortfleet un Rechtebe geiht un in’n Süden na Ne’enkarken. Von de K 2 geiht na Westen de Inselstraat af, de na Harriersand geiht.

De nächste Autobahn is de Autobahn 27. De Opfohrt 13 Uthleer liggt so 13 Kilometer in’n Noordoosten von Rade.

De nächste Bahnhoff is so bi acht Kilometer wied weg in’n Süden de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht.

Von September 1911 bet 1931 harr de Oort en egen Bahnhoff an de Nedderwerserbahn.

Scholen

Rade hett keen egen School mehr. De Kinner gaht vondaag in Ne’enkarken na School.

Footnoten

↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 186: https://books.google.de/books?id=jN5QAAAAcAAJ&pg=PA186
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106: http://books.google.de/books?id=Q 5OAAAAcAAJ&pg=PA106
↑ C. H. Jansen: Statistisches Handbuch des Königreichs Hannover. 1824, Sied 496: http://books.google.de/books?id=tG0AAAAAcAAJ&pg=PA496
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158: https://books.google.de/books?id=qTZDAQAAMAAJ&pg=RA2-PA158
↑ http://www.gemeindeverzeichnis.de/gem1900/gem1900.htm?hannover/blumenthal.htm
↑ ^a ^b ^c http://www.verwaltungsgeschichte.de/osterholz.html

Weblenken

Rade (Swonewebel). Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Swonewebel

[InwahnertallRef1-1] Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 186: https://books.google.de/books?id=jN5QAAAAcAAJ&pg=PA186

[InwahnertallRef2-2] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106: http://books.google.de/books?id=Q 5OAAAAcAAJ&pg=PA106

[InwahnertallRef3-3] C. H. Jansen: Statistisches Handbuch des Königreichs Hannover. 1824, Sied 496: http://books.google.de/books?id=tG0AAAAAcAAJ&pg=PA496

[InwahnertallRef4-4] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132

[InwahnertallRef5-5] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158: https://books.google.de/books?id=qTZDAQAAMAAJ&pg=RA2-PA158

[InwahnertallRef6-6] ttp://www.gemeindeverzeichnis.de/gem1900/gem1900.htm?hannover/blumenthal.htm

[verwg.de-7] ttp://www.verwaltungsgeschichte.de/osterholz.html

[1]

[2]

[3]

[4]

[5]

[6]

[7]