Raso

Raso (vullst. port. Naam: Ilhéu Razo) is en lütt Eiland in de Republiek Kap Verde, dat to de nöördlichen Ilhas do Barlavento („Eilannen över den Wind“) tellt.

Laag vun Razo in Kap Verde.

Dat Eiland hett en Flach vun ungefähr 7 km² un liggt bi ruchweg 16°37’N 24°36’W twüschen Santa Luzia un São Nicolau un warrt na’n Noordwesten hen vun dat noch lüttere Eiland Branco flankeert. Razo is jüst so as Branco ok dör Vulkanismus tostannen kamen un nich bewahnt, man dat Eiland is en beten wat flacher.

Dat Eiland Razo steiht ünner Naturschuul. Minschen drööft dor nich rop, üm de Deerten nich to stören. Op dat Eiland hebbt sik een poor roren Vageloorden torüchtagen. So kummt to’n Bispeel de Raso-Lark blots op dit Eiland vör un de Bruuntölpel un de Rootsnavel-Tropikvagel kamt hierher för jemehr Brööd. Butendem sünd hier kapverdsche Riesenskinken sehn worrn, de dat anners blots noch op Branco gifft, man hier villicht sogor al utstarven is. De kapverdsche Riesengecko (Tarentola gigas) un de Skink (Mabuya stangeri) leeft aver jümmer noch dor.

Borns

Eilannen vun Kap Verde

Ilhas de Barlavento:   bewahnt:  Santo Antão | São Vicente | São Nicolau | Sal | Boa Vista 
nich bewahnt:  Santa Luzia | Branco | Raso | Ilhéu de Sal Rei | Ilhéu do Baluarte | Ilhéu Rabo do Junco | Ilhéu dos Pássaros

Ilhas de Sotavento:   bewahnt:  Brava | Fogo | Santiago | Maio 
nich bewahnt:  Ilhéus do Rombo (Ilhéu Grande | Ilhéu de Cima) | Ilhéu Laja Branca | Ilhéu de Santa Maria