Ringst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 7 m över NN | |
| Postleettall: | 27624 | |
| Vörwahl: | 04708 | |
| Geograafsche Laag: | Koordinaten:53° 34′ N, 8° 51′ O53° 34′ N, 8° 51′ O | |
|
| ||
Ringst (hoochdüütsch Ringstedt) is en Dörp in de Gemeen Geestland in’n Landkreis Cuxhoben, Neddersassen. Binnen de Gemeen höört de Oort to de Oortschop Ringst.
Too Ringst höört ok de lüttje Oort Haxhoorn.
Geografie
ännernRingst liggt op en Geestrügg, de sik twüschen dat siede Moorland von de Wittgeest in’n Noorden un Westen un den Scheebeek in’n Süden reckt. Ganz in’n Süüdwesten von de Ringster Feldmark reckt de Oort ok bet an’n Loop von de Geest. De Beers-Geest-Kanaal löppt blots en poor hunnert Meter achter de Grenz na Kührst langs, raakt dat Ringster Rebeed aver narms. Dat Water ut dat Rebeed flüüt över Gravens (ünner annern Ringster Randgraven un Hüllenmoorgraven) na de Wittgeest un den Scheebeek hen af. In’n Süden un Oosten von Ringst gifft dat ok gröttere Holtstücken (ünner annern dat Lange Holt). In’n Oosten liggt dat Naturschuulrebeed Mietenmoor un in’n Süüdwesten von de Ringster Feldmark dat Naturschuulrebeed Ringster See. De Moorsee sülvs is vondaag aver verlannt.
De Naveröörd sünd Kanaalhütt in’n Noorden, Lintig, Hainmöhlen un Wisswohl in’n Noordoosten, Langel, Haxhoorn un Krönkenhütt in’n Oosten, Köhlen mit Desebreck in’n Süüdoosten, Oolluunbarg un Sellst in’n Süüdwesten un Kührst un Alfst in’n Noordwesten.
Grenzen
ännernDe histoorschen Grenzen von de Feldmark sünd in’n Süden na Köhlen de Scheebeek, in’n Süüdwesten na Oolluunbarg un Sellst de Geest, in’n Noordwesten na Kührst un in’n Noorden na Lintig de ole Loop von de Wittgeest un op dat eerste Stück in’n Noordoosten na Hainmöhlen de Krummboomsmoorgraven. Na dit Stück is de Noordkant von dat Lange Holt de Grenz, de in’n Oosten üm Langel rümlöppt un denn för en lütt Enn op dat Rebeed von Hain stött.
Historie
ännernRingst kummt 1356 toeerst in de Oorkunnen vör. De Oort is aver woll öller. De Kark warrt na archäoloogsche Funnen op dat 10. Johrhunnert taxeert.
In’n Eersten Weltkrieg sünd 18 Soldaten ut Ringst fullen oder vermisst un in’n Tweten Weltkrieg 41.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Ringst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie von de Böörd Ringst in dat Amt Beers tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Gemeen Ringst is 1971 Maat von de ole Samtgemeen Beers worrn un mit de Gemeenreform in Neddersassen an’n 1. März 1974 Deel von de ne’e un gröttere Samtgemeen Beers. Bi de Gemeenreform is Ringst ok mit Hainmöhlen tohoopslaten worrn un hett de ne’e un gröttere Gemeen Ringst billt. De Gemeen un Samtgemeen sünd to’n 1. Januar 2015 oplööst worrn. Dat Rebeed is denn Deel von de Eenheitsgemeen Geestland worrn.
Inwahnertall
ännern| Johr | Inwahners |
|---|---|
| 1791[2] | 53 Füürsteden |
| 1812[3] | 390 |
| 1824[4] | 80 Füürsteden |
| 1848[5] | 432 Lüüd, 86 Hüüs |
| 1. Dezember 1871[6] | 442 Lüüd, 86 Hüüs |
| 1. Dezember 1910[7] | 488 |
| 1925[8] | 506 |
| 1933[8] | 554 |
| 1939[8] | 554 |
Religion
ännern
Ringst is evangeelsch-luthersch un evangeelsch-reformeert präägt un billt mit de Simultankark St. Fabian en egen Kaspel.
För de Kathoolschen is de Hillig-Hart-Jesu-Kark in Leh tostännig, to de ok de St.-Benedikt-Kapell in Beers tohöört.
De Karkhoff Ringst liggt an de Ringster Karkhoffstraat.
Kultur
ännernEn Denkmaal för de Fullenen ut de twee Weltkrieg’ steiht bi de Kark.
Verenen
ännernDe Schüttenvereen Ringst is 1909 grünnt worrn un de Sportvereen TSV Ringst 1912.
Weertschop un Infrastruktur
ännernRingst hett en egene freewillige Füürwehr, de 1900 grünnt worrn is.
De Volksbank Bremerhoben-Cuxland hett en Filiaal in Ringst.
In’n Oosten von’n Oort liggt en Windpark mit twölv Windrääd.
Verkehr
ännernDör Ringst löppt de Kreisstraat 38, de in’n Noordwesten över Kührst un Alfst na Beers geiht un in’n Oosten op de Landsstraat 128 drippt. De L 128 geiht in’n Noorden över Hainmöhlen na Beers un in’n Süden över Köhlen un Geestenseth na Beverst.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 8 Geestmünn liggt so 20 Kilometer in’n Süüdwesten von Ringst an de Bremerhobener Poristraat.
De nächste Bahnhoff is so bi acht Kilometer wied weg in’n Süden de Bahnhoff Geestenseth an de Bahnlien Bremerhoben–Buxthu.
Scholen
ännernRingst weer een von de twee Standöörd von de Grundschool Kührst/Ringst. De Standoort Ringst is denn dichtmaakt worrn un de Kinner güngen in Kührst na School. To’n 31. Juli 2015 is de Grundschool Kührst/Ringst oplööst worrn un höört nu to de Grundschool Drangst/Elm. De Standoort Kührst schall aver tominnst bet 2018 noch bestahn blieven.
Dat Schoolhuus in Ringst is 1906 boot un 1969 renoveert worrn. De Sportünnerricht weer in de Sporthall von’n TSV Ringst.
Lüüd
ännernDe Chirurg Walter Behrends is 1919 in Ringst boren.
Literatur
ännern- Johannes Göhler: Ringstedt - Geschichte eines Kirchspiels an der oberen Geeste von der Christianisierung bis zum Jahre 1900. Ringst 1990
Footnoten
ännern- ↑ http://www.denkmalprojekt.org/2009/ringstedt_wk1u2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 192
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 522
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 131
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
