Rintzeln
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27638 | |
| Vörwahl: | 04705 | |
| Geograafsche Laag: | Koordinaten:53° 39′ N, 8° 30′ O53° 39′ N, 8° 30′ O | |
|
| ||
Rintzeln (hoochdüütsch Rintzeln) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Wreem mit bi.
Geografie ännern
De Oort liggt in de Masch von Land Wusten glieks achter’n Diek von de Noordsee.
De Naveröörd sünd Rielk, Smarrn un Feldhoff in’n Noorden, Lütjendörp, Misselwarden, Mirk un Hornk in’n Noordoosten, Twendamm un Ellernworth in’n Oosten, Noordwierde, Wreem un Wremerbüttel in’n Süüdoosten un de Hüüs an’t Wremer Deep in’n Süden.
Historie ännern
Rintzeln liggt ganz in’n Westen von Land Wusten un de See hett dor – anners as annerwegens, wo de See Sand un Slick aflagert hett – an de Küst freten.
As na de Stormflood von 1962 de Dieken an de Noordsee all höger boot worrn sünd, is 1967 ok de Diek in Land Wusten nee maakt worrn. Von wegen dat de Hüüs von Rintzeln so dicht an’n olen Diek legen hebbt un dor nich noog Platz för den högeren un brederen ne’en Diek weer, müssen twee von de Hüüs afreten warrn.[1]
Verwaltungsgeschicht ännern
In de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Üterveerdel von dat Kaspel Wreem un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Wreem Deel von de Samtgemeen Land Wusten worrn. To’n 1. Januar 2015 is de Gemeen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall ännern
| Johr | Inwahners |
|---|---|
| 1791[2] | 4 Füürsteden |
| 1812[3] | 39 |
| 1824[4] | 9 Füürsteden |
| 1. Dezember 1871[5] | 34 Lüüd, 6 Hüüs |
Religion ännern
Rintzeln is evangeelsch-luthersch präägt un höört to dat Kaspel von de Willehadi-Kark in Wreem.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur ännern
Verkehr ännern
Rintzeln is över lüttjere Straten verbunnen mit de Landsstraat 129 in Wreem, de in’n Süüdoosten na Dingen un Weddewarden un in’n Noordoosten na Mulsen, Dourm un Millm geiht. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 5 Debst liggt so 13 Kilometer in’n Süüdoosten von Rintzeln an de L 120.
De nächste Bahnhoff is good twee Kilometer wied weg in’n Süüdoosten de Bahnhoff Wreem an de Bahnlien Bremerhoben–Cuxhoben.
Footnoten ännern
- ↑ Der Wremer Ortsteil Schmarren wurde dem Meer geopfert; Wremen un die Sturmfluten
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 192
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 512
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154