Mirk
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27639 | |
| Vörwahl: | 04742 | |
| Geograafsche Laag: | Koordinaten:53° 40′ N, 8° 31′ O53° 40′ N, 8° 31′ O | |
|
| ||
Mirk (hoochdüütsch Mirke) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Misselwarden mit bi un warrt vondaag ok kuum noch as separaten Oort wohrnahmen.
Geografie ännern
De Oort liggt in de Masch von Land Wusten. De Noordsee is good twee Kilometer in’n Westen. Dat Water ut dat Rebeed flütt över Gravens af na de Misselwardener Waterlöös.
De Naveröörd sünd Misselwarden in’n Noorden, Veerhusen un Barlinghusen in’n Noordoosten, Lewen in’n Oosten, Mulsen, Wierde, Hornk un Twendamm in’n Süüdoosten, Ellernworth, Noordwierde un Wremen in’n Süden, Rielk un Rintzeln in’n Süüdwesten un Smarrn un Feldhoff in’n Westen.
Historie ännern
Verwaltungsgeschicht ännern
De Oort weer vör 1852 in dat Twendammer Veerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall ännern
| Johr | Inwahners |
|---|---|
| 1. Dezember 1871[1] | 16 Lüüd, 4 Hüüs |
Religion ännern
Mirk is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur ännern
Verkehr ännern
An Mirk langs löppt de Kreisstraat 68, de in’n Noorden na Engbüttel/Padingbüddel geiht un in’n Süüdoosten bi Mulsen ran an de Landsstraat 129. De L 129 geiht in’n Süden na Wremen, Dingen un Weddewarden un in’n Noordoosten na Dorum un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so twölv Kilometer in’n Oosten von Mirk an de L 119.
De nächste Bahnhoff is so bi veer Kilometer wied weg in’n Süden de Bahnhoff Wremen an de Bahnlien Bremerhoben–Cuxhoben.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153