Wuster Noordseeküst
Wuster Noordseeküst (hoochdüütsch Wurster Nordseeküste) is en Gemeen in’n Landkreis Cuxhoben in Neddersassen. De Gemeen hett 17.164 Inwahners (Stand 31. Dezember 2021). De Verwaltung von de Gemeen sitt in Noordholt un in Dorum.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 182,08 km² | |
| Inwahners: | 17.164 (31. Dezember 2021) | |
| Postleettall: | 27632, 27637, 27638 | |
| Vörwahl: | 04705, 04741, 04742 | |
| Geograafsche Laag: | Koordinaten:53° 44′ N, 8° 35′ O53° 44′ N, 8° 35′ O | |
| Grenzen bi OSM: | 4447299 
| |
| Gemeenslötel: | 03 3 52 061 | |
| Börgermeester: | Marcus Itjen | |
GeografieÄnnern
De Gemeen Wuster Noordseeküst liggt in dat Land Wusten in de Masch an de Küst von de Noordsee.
De Navergemenen sünd de Stadt Cuxhoben in’n Noorden, de Gemeen Wannen in’n Oosten un de Gemeen Geestland in’n Süüdoosten.
HistorieÄnnern
De Gemeen Wuster Noordseeküst is an’n 1. Januar 2015 grünnt worrn ut de hüdige Gemeen Noordholt un de Samtgemeen Land Wusten mit de Gemenen Cappel, Dorum, Millm, Misselwarden, Mulsen, Padingbüddel un Wremen.
Dat Gesett, dat de Gemeen nee billt warrt, hett de Landdag von Neddersassen in’n November 2012 beslaten.
Achtergrund is, dat de Gemenen Liquiditätskredite von 36,8 Millionen Euro harrn. Dat Land Neddersassen hett Hülpsgeller von 27,6 Millionen Euro toseggt, wenn de Gemenen fusioneert.
PolitikÄnnern
De Börgermeester un de Gemeenraad för de ne’e Gemeen sünd an’n 2. November 2014 wählt worrn.
GemeenraadÄnnern
| Johr \ Partei | Tall | CDU | SPD | Gröne | Linke | Wählerinitiativ Wuster List | Börgerfrakschoon Wuster Noordseeküst | AfD |
|---|---|---|---|---|---|---|---|---|
| 2014 | 32 | 14 | 11 | 1 | 1 | 2 | 2 | 1 |
Liddmaten:
- 2014:
- As Börgermeester: Marcus Itjen
- CDU: Hanna Bohne, Holger Busse, Carsten Cornelius, Joachim Dreher, Eide Lübs, Olaf Luther, Manuela Möller, Claus Müller, Hanke Pakusch, Jörg-Andreas Sagemühl, Martin Vogt, Wolfgang Wilhelm, Wiebke Wilksen, Jochen Wrede
- SPD: Rolf Bohlen, Gisela Buchholz, Isolde Hallemeier, Elke Jährling, Dieter Kessener, Henry Kowalewski, Dietrich Petersen, Harm-Henrik Siebs, Udo Skeraitis, Susanne Störmer-Pradel, Matthias Träger
- Gröne: Heike Klasen
- Linke: Heiner Maßmann
- Wählerinitiativ Wuster List: Heiko Dahl, Harald Schewe
- Börgerfrakschoon Wuster Noordseeküst: Heiko Carstens, Nicole Lorenzen
- AfD: Manfred Müller
BörgermeestersÄnnern
| Tied | Naam | Partei |
|---|---|---|
| 1. Januar 2015- | Marcus Itjen | ahn Partei |
Wapen un FlaggÄnnern
Dat Wapen von de Gemeen wiest vörn op gollen Grund en halven swarten Aadler mit rode Klauen un roden Snavel. Achtern wiest dat över en grönen Schildfoot mit en gollen Kleverbladd dor op, afdeelt dör en sülvern Wellenlien en sülvern Dann op roden Grund.
Aadler un Kleverbladd sünd ut dat Wapen von Dorum övernahmen, de Dann ut dat Wapen von Noordholt. In dat Wapen von Noordholt kummt ok en Kleverbladd vör.
De Flagg is baven gröön un ünnen witt mit dat Wapen in de Midd opleggt.
OortschoppenÄnnern
De Gemeen is indeelt in acht Oortschoppen. Veer von de Oortschoppen hebbt en Oortsraad un Oortsbörgermeester un veer hebbt en Oortsvörsteiher.
- Cappel (Oortsvörsteiher)
- Dorum (Oortsraad/Oortsbörgermeester)
- Noordholt (Oortsraad/Oortsbörgermeester)
- Millm (Oortsraad/Oortsbörgermeester)
- Misselwarden (Oortsvörsteiher)
- Mulsen (Oortsvörsteiher)
- Padingbüddel (Oortsvörsteiher)
- Wremen (Oortsraad/Oortsbörgermeester)
WeblenkenÄnnern
Wuster Noordseeküst. Mehr Biller, Videos oder Audiodateien to’t Thema gifft dat bi Wikimedia Commons.
- Websteed von de Gemeen (hoochdüütsch)
- Gesett över dat Neebillen von de Gemeen Wuster Noordseeküst (hoochdüütsch)
Armsdörp | Belen | Bevers | Bülkau | Cuxhoben | Geestland | Godshem | Hagen | Heckthusen | Helmworth | Hemmoor | Hollnseth | Kumbarg | Lee | Loomst | Lox | Mittelsnohn | Neehuus | Neenkarken | Öberndörp | Oosten | Oosterbrook | Oterndörp | Schippdörp | Steenau | Stinst | Wannen | Wingst | Wuster Noordseeküst