Roger De Vlaeminck
Roger De Vlaeminck (* 24. August 1947 in Eeklo) is en ehmalger belgisch Radrennfohrer un weer in de 1970er Johren en vun de spoodriekste Klassikerfohrer vun den Radsport.
De Vlaeminck is neben Rik Van Looy un Eddy Merckx de eenzig Fohrer, de all fiev Monumente vun den Radsport winnen kunn. Sien veer Siege bi Paris–Roubaix, de he in de „Hölle des Nordens“ tüschen 1972 un 1977 schafft hett, wurrn eerst 2012 dör sien Landsmann Tom Boonen egaliseert.
Roger De Vlaeminck weer aber nich blots bi de Klassiker en ernst to nehmen Konkurrent vun Eddy Merckx. He weer woll noch so spoodriek as sien Landsmann, aber völsiediger. So wunn he je eenmal de Weltmeesterschap in' Cyclo-Cross bi de Profis un bi de Amateuren as ok dreemal de belgisch Meesterschap bi de Profis un tweemal bi de Amateuren in disse Radsportdisziplin. 1969, in dat Johr vun sien tweeten Amateursieg bi de belgisch Cyclo-Cross-Meesterschap, hett he sück ok den belgischen Strazenmeestertitel bi de Profis halt. Wieder wunn he 1972 den belgischen Meestertitel in dat Tweeer-Mannschapsfohren (gemeensam mit Patrick Sercu).
De öllere Bröer vun Roger, Eric De Vlaeminck, weer ebenfalls internatschonal bannig spoodriek, weer aber mehr uü dat Dwarsdörfeldrennen spezialiseert.
List vun sien Erfolge up de Straat ännern
- Tour de Suisse: 1975
- Belgisch Meester: 1969, 1981
- Mailand–Sanremo: 1973, 1978, 1979
- Flannern-Rundfohrt: 1977
- Paris–Roubaix: 1972, 1974, 1975, 1977
- Lüttich-Bastogne-Lüttich: 1970
- Meesterschap vun Zürich: 1975
- Lombardei-Rundfohrt: 1974, 1976
- Veer Daag vun Düünkarken: 1971
- Omloop Het Volk: 1969, 1979
- GP E3: 1971
- La Flèche Wallonne: 1971
- Paris–Brüssel: 1981
- Giro del Lazio: 1975, 1976
- Giro de Emilia: 1976
- Mailand–Turin: 1972, 1974
- Piel vun Brabant: 1981
- Giro d’Italia: 22 Deelstrecken wunnen
- Tour de Suisse: 8 Deelstrecken wunnen
- Tirreno–Adriatico: 1972, 1973, 1974, 1975, 1976, 1977