Roman Rees
Roman Rees (* 1. März 1993 in Freiburg im Breisgau) is en düütsch Biathlet. Sien gröttste Spood is de Gewinn vun de Sülvermedaille mit de düütsch Staffel bi de Weltmeesterschapen 2019.
_2018.jpg)
Leven
ännernRoman Rees sien Vereen is de SV Schauinsland un hörrt to dat Toll-Ski-Team. He geev sien internatschonal Debüt in’n Rahmen vun de Juniorenweltmeesterschapen 2012 in Kontiolahti, wo he 13. Vun dat Eenzel, 10. Vun den Sprint, 24. Vun de Verfolgung un mit Steffen Bartscher, Tobias Hermann un Johannes Kühn as Startlöper 5. In dat Steffelrennen wurr. Een Johr later in Obertillach, leep dat wat beter, för en Podiumsplatzeeren reck dat aber ok nich.
Nah en tweeten Rang in‘n IBU-Cup-Sprint in Beitostølen fier Rees in‘n Dezember 2016 sien Weltcup-Debüt bi den Eenzelwettbebewarf in Östersund mit en 48. Rang. Denn folg en 57. Rang in’n Sprint un Rang 36 in de Verfolgung, wat hüm fiev Weltcuppunkte inbroch. In’n März 2017 kehr he in den Weltcup torüch un keem in’n Sprint in Pyeongchang up Platz 13 un in Kontiolahti kunn he in’n Sprint sogor Platz 12 recken. In de ansluutend Verfolgung keem he up Rang 14 rin. Tosommen mit Laura Dahlmeier hett Rees in de Single-Mixed Staffel mit den 3. Rang sien eersten Podestplatz reckt. In de Weltcup-Gesamtwertung reck he in de Saison 112 Punkte, wat hüm Platz 48 inbroch.
Roman Rees weer Liddmaat vun dat düütsch Team bi de Olympisch Winterspelen 2018 in Pyeongchang. Dor weer he för en Start in dat Eenzelrennen över 20 km vörsehn, wurr aber denn krank un keem nich to’n Insatz. In de Weltcupgesamtwertung keem he in de Saison 2017/18 up den 33. Platz mit 189 Punkten, wobi sien 4. Platz bi de Statschoon in Ruhpolding herutragen dee.
In de Folgesaison keem he ok blots af un to to’n Insatz un keem mit 153 Punkten up den 42. Platz in de Weltcup-Gesamtwertung, aber bi den Sprint in Midway reck he eerstmals mit Platz 3 dat Podium und bleev dormit vör Erik Lesser, Johannes Thingnes Bø, Quentin Fillon Maillet un annern. Bi de Biathlon-Weltmeesterschapen 2019 in Östersund wunn he mit de Staffel de Sülvermedaille un keem in’t Eenzel up den 20. Platz.
In de Saison 2019/20 keem he blots in dree Weltcup-Rennen to’n Insatz, reck insgesamt 44 Punkte, wat denn för Platz 63 recken dee. In de Saison 2020/21 weer he weer regelmatig an’n Start, keem woll nie up dat Podest aber regelmatig in de Punkteränge. Platz 10 weern sien best Ergevnisse. Mit 257 Punkten lann he aber up Platz 28 vun de Weltcup-Gesamtwertung. Ok in de Folgesaison keem he nich up dat Podest, kunn aber jetzt mit dörgahnd goot Ergevnissen sück stark verbetern. Mit 429 Weltcup-Punkten keem he up Platz 16 vun den Gesamt-Weltcup. Bi de Olympisch Winterspelen 2022/Biathlon leep dat vör hüm ok beter. In’n Sprint reck he Platz 17, kunn sück in de Verfolgung up den 6. Rang verbetern. In’n Massenstart keem he up Platz 14 un in’t Eenzel up Rang 7. Ok mit de Staffel reck dat för de düütsch Mannlüüd mit Roman Rees nicht. Platz 4 broch kien Medaille. Överhoopt bleven de düütsch Mannlüüd hier ahn Medaille.
Bi de Sömmerbiathlon-WM 2022 in Ruhpolding keem he in’n Massenstart achter den sweedschen Biatleten Sebastian Samuelsson up den tweeten Platz.[1] In den Biathlon-Weltcup gung dat denn ok so wieder. Glieks up de eerste Statschoon bi den Sprint in Kontiolahti keem he up den 3. Rang ditmal vör Samuelsson un Émilien Jacquelin un de ansluutend Verfolgung hett he up Platz 4 afslooten. In’t Eenzel keem dor noch en fiefte Platz dorto. An't Enn'n vun de Saison keem he in de Gesamt-Weltcup up den 9. Rang. In den Eenzelweltcup reck he sogor Platz 4, in'n Sprintweltcup Platz 7 un in den Verfolgungsweltcup den 10. Platz.
An de Biathlon-Weltmeesterschapen 2023 hett he ebenfalls deelnommen, is aber, as de düütsch Mannlüüd insgesamt, ahn Medaille bleven.
