Schinkel (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21734 | |
| Vörwahl: | 04779 | |
| Geograafsche Laag: | Koordinaten:53° 48′ N, 9° 18′ O53° 48′ N, 9° 18′ O | |
|
| ||
De Schinkel (hoochdüütsch Schinkel) is en Oort in de Gemeen Öderquart (Samtgemeen Noordkeden) in’n Landkreis Stood, Neddersassen. De Oort höört polietsch al von öllers bi Öderquart mit bi.
Geografie
ännernDe Oort liggt in de Masch von Keden an de ole Dieklien von’n Hollerdiek (fröher de Diek von de Elv). Vondaag liggt de Hauptdiek von de Elv knapp twee Kilometer in’n Noordoosten un dat Över dree Kilometer. Dat Water ut dat Rebeed flütt över Gravens af na dat Wischhobener Slüsenfleet un dat Allwöördener Fleet.
De Naveröörd sünd Allwöörden in’n Noorden, Hollenwisch in’n Oosten, Hamelwöörden, Hollerdiek un Wischhoben in’n Süüdoosten, Hamelwöördenermoor un Döösmoor in’n Süüdwesten, Landsbrügg in’n Westen un Langenhoff, Schönworth un Rutensteen in’n Noordwesten.
Historie
ännernOp’n Schinkel weer fröher de Versammlungssteed von de Kedeners ut de twee Grevengerichten Freeborg un Bützfleet.
Verwaltungsgeschicht
ännernDe Oort hett vör 1852 to dat Kaspel Öderquart Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.
Binnen dat Kaspel Öderquart weer de Oort Deel von de Buurschop Ooster-Öderquart.
Inwahnertall
ännern| Johr | Inwahners |
|---|---|
| 1824[1] | 10 Hüüs |
| 1. Dezember 1871[2] | 51 Lüüd, 9 Hüüs |
Religion
ännernSchinkel is evangeelsch-luthersch präägt un höört to dat Kaspel von de Johannis-Kark in Öderquart.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernIn’n Süüdwesten von Schinkel liggt en groten Windpark.
Verkehr
ännernDör Schinkel löppt de Kreisstraat 85, de in’n Noordwesten na Landsbrügg un an de Landsstraat 113 ran geiht un in’n Süüdoosten na Wischhoben an de Bundsstraat 495. De B 495 löppt in’n Noordoosten denn an de Elvfähr Glückstadt–Wischhoben, de över de Elv na Sleswig-Holsteen översett, un in’n Süüdwesten na Hemmoor (Basbeek/Warstood). De L 113 geiht von Landsbrügg in’n Noorden na Freeborg un in’n Süüdwesten na Öderquart un Öberndörp.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 32 Kilometer in’n Süüdoosten von Schinkel an de L 111.
De nächste Bahnhoff is so bi 18 Kilometer wied weg in’n Süüdwesten de Bahnhoff Wingst an de Nedderelvbahn von Cuxhoben na Hamborg. Von 1899 bet 1933 harr de Oort ok en Bahnhoff an de Kedener Kreisbahn.
Footnoten
ännern- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 538
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137