Sellhorn (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29646 | |
| Vörwahl: | 05194 | |
| Geograafsche Laag: | Koordinaten:53° 9′ N, 9° 59′ O53° 9′ N, 9° 59′ O | |
|
| ||
Sellhorn (hoochdüütsch Sellhorn) is en lütten Oort in de Gemeen Bissen in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Wils.
Geografie ännern
De Oort liggt in de Lümbörger Heid un in dat Naturschuulrebeed Lümbörger Heid. Dat Water ut dat Rebeed flütt över’n Sprengbeek na de Smale Au hen af. Bi Sellhorn liggt de 132 m över de See hoge Holtbarg. In’n Noorden liggt de Dodengrund.
De Naveröörd sünd Unnel in’n Noorden, Sohrendörp un Su’möhlen in’n Noordoosten, Döhl in’n Oosten, Hörpel un Volgern in’n Süüdoosten, Behrn in’n Süüdwesten, Habenbeck-Bobendörp un Habenbeck-Nerndörp in’n Westen un Wils in’n Noordwesten.
Historie ännern
Sellhorn is as Forsthuus anleggt worrn.
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wils in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort hett vör 1852 to de Amtsvaagdie Amelkusen von dat Amt Winsen tohöört un is 1852 denn in dat Amt Soltau wesselt. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn (de siet 2011 Landkreis Heidkreis heet).
De Oort hett fröher bi de Buurschop Volgern mit bihöört. De Buurschop is 1852 opdeelt worrn op de twee Gemenen Wils un Volgern. Sellhorn hett bi de Gemeen Wils bihöört, de an’n 1. März 1974 mit de Gemeenreform in Neddersassen Deel von de Gemeen Behrn worrn is. De Gemeen Behrn harr aver blots bet to’n 16. März 1974 Bestand un is denn Deel von de Gemeen Bissen worrn. Sietdem höört Sellhorn binnen de Gemeen to de Oortschop wils, de en egen Oortsvörsteiher hett.
Inwahnertall ännern
| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1848[3] | 14 Lüüd, 1 Huus |
| 1. Dezember 1871[4] | 19 Lüüd, 2 Hüüs |
| 1. Dezember 1885[5] | 19 Lüüd, 2 Hüüs |
| 1. Dezember 1905[6] | 27 Lüüd, 2 Hüüs |
Religion ännern
Sellhorn is evangeelsch-luthersch präägt un höört to dat Kaspel von de Antoniuskark in Bissen.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Bi’n Oort gifft dat den Friedwald Sellhorn.
Weertschop un Infrastruktur ännern
För Sellhorn is de freewillige Füürwehr Volgern mit tostännig.
Verkehr ännern
Dör Sellhorn löppt de Kreisstraat 34, de in’n Noordwesten na Wils geiht un in’n Süden na Volgern an de Landsstraat 212. De L 212 föhrt in’n Noordoosten över Hörpel, Ebendörp un Äästörp na Garlstörp un in’n Süden över Bossel na Bissen.
De nächste Autobahn is de Autobahn 7 (Afsnidd Hamborg–Hannover). De Opfohrt 43 Bissen liggt so söven Kilometer in’n Süden von Sellhorn an de L 211.
De nächste Bahnhoff is so bi 17 Kilometer wied weg in’n Noordwesten de Bahnhoff Wintemaur an de Heidbahn. Von 1906 bet 1970 hett dat ok Personenverkehr op de Bahnlien Winsen–Hützel geven. De Bahnhoff Ebendörp-Hörpel leeg söven Kilometer in’n Süüdoosten von’n Oort.
Scholen ännern
De Kinner ut Sellhorn gaht na de Grundschool Bissen. Fröher sünd de Kinner na de Volksschool in Bissen gahn.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 210
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 558
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 155