Slott Sandhörst

Slott Sandhörst in den Auerker Oortsdeel Sandhörst wurr in de Johren 1647/48 van den oostfreeschen Grafen Ulrich II. as Lustslott för sien Fru, Juliane von Hessen-Darmstadt upricht. En Nahfolgebau deent hüüd as Gästehuus van de Firma Enercon.

Slott Sandhörst

Geschichte

Dat Areal, up dat later dat Slott upricht wurr, weer 1612 dör Koop in den Besitt van den oostfreeschen Kanzler Dothias Wiarda kommen. He hett dorup sien Sömmerwahnen upricht. Nah sien Dood hett Ulrich II. 1647 van de Arven dat Grundstück köfft un leet in dat folgend Johr noch wiels den Dartigjohrigen Krieg för sien Gemahlin Juliane en Lustslott uprichten. Dat bestunn ut en een Hööft- un twee Nebenflögel un harr ok en Kapell, för de Jost Sieburg en Örgel baut hett. Um de Hüüs herum wurr en Landschapspark anleggt. Dat Slott deen mehrfak as Wittfrusitt un Sömmerresidenz van de Cirksena.

In dat 18. Johrhunnert wurr dat Slott Naamgever van de Familie von Sandhorst: Nah den Dood van sien eerst Fru hett Fürst Christian Eberhard 1701 in Morganatische Ehe de Böverförsterdochter Anna Juliana von Kleinau (1674–1727) heiraadt, de den Titel Frau von Sandhorst kreeg. De dree Kinner ut disse Ehe hemm den Naam von Sandhorst führt. Nah den Dood van Christian Eberhard weer dat Slott Wittfrusitt van Juliane. An‘n 12. Juni 1734 is der vörletzt inheimische Fürst, Georg Albrecht in Sandhörst storven. De Fürst weer all van den Dood tekent, as he aus Gründen der Hofraison nah Sandhörst schleept wurr, um dor dood to blieven. Nah dat Utstarven van de Cirksena un den folgenden Machtanträe van de Preußen 1744 wurr de Wittfruensitt nich mehr bruukt un dat Slott verfull immer mehr. De Grootdeel wurr 1764 afbraken un dat Inventar keem ünner den Hamer.

Wat överg bleev, weer en Nebenflögel, de in dat 19. Johrhunnert in den Besitt van de Familie Kempe keem. De hett de letzten Rest van dat olt lütt Slott afbreeken laaten un hett up de Kellergewölben van den ehmalgen Süüdflögel dat noch hüüd bestahn Gebäude upricht. 1976 wurr dat renoveert un later van Enercon köfft, de dat sietdem as Gästehuus bruukt.