Spitzbargen oder Svalbard is en Inselgrupp in de Nöördliche Iessee, de to Norwegen tohöört. De Hööftstadt is Longyearbyen. Spitzbargen hett 2756 Inwahners (Stand 2004) op 61.022 km².

Blangen dat norweegsche Longyearbyen gifft dat op de Eilannen ok noch de russ’sche Siedlung Barentsborg, de norweegsche Siedlung Svea, dat Forschungszentrum Ny-Ålesund un ene poolsche Forschungsstatschoon an’n Hornsund. De Siedlungen Pyramiden un Grumant hebbt se opgeven.

Historie ännern

Opdeckt hett de Eilannen Willem Barents, de jem an’n 25. Juni 1596 op Sicht kregen hett. Villicht weren de Eilannen de Norwegers ok al vörher bekannt, aver ut disse Tiet is nix seker överlevert. He hett veel Waalfisch un Waalrussen vörfunnen un dat geev veel Jachd op disse Deerten in de Tiet achterna. De nedderlandschen Waalfängers hebbt op Spitzbargen ok de Stadt Smeerenborg grünnt, de vun üm 1610 bet in de Johren 1660 bestahn hett.

Leven keem denn wedder vun 1906 af an op de Eilannen, as John Munroe Longyear de eerste Kahlenmien op Spitzbargen boot hett. Ok de Russen hebbt later anfungen Kahl aftoboon.

Na’n Spitzbargen-Verdrag vun 1920 schall dat op Spitzbargen keen Militär geven.

Kultur ännern

An Medien hett Spitzbargen en Daagblatt, de Svalbardposten, un sogor en egen Feernsehsenner, Longyearbyen TV.


Koordinaten:78° 54′ N, 18° 1′ O