Stubbenhoff

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Stood
Inwahners:
Postleettall:	21683
Vörwahl:	04141
Geograafsche Laag:	53° 37′ N, 9° 31′ O

Stubbenhoff (hoochdüütsch Stubbenhof) is en lütten Oort in de Gemeen Stood in’n Landkreis Stood, Neddersassen. De ole Naam Stubbenhoff is vondaag kuum noch bekannt.

Geografie

De Oort liggt in de Masch von de Swing un weer bet in dat 20. Johrhunnert butendieks. Dat Water ut dat Rebeed flütt över de Ne’e Wettern in de Swing.

De Öörd ümto sünd Stodersand in’n Noordoosten, Bassenfleet in’n Süüdoosten, Melau in’n Süden, Wöhrn un de Symphonie in’n Süüdwesten un Brunshusen in’n Noordwesten.

Historie

Verwaltungsgeschicht

De Oort hett vör 1852 to dat Kaspelsgericht Bützfleet in dat Grevengericht Bützfleet tohöört. Dör en Verordnung von’n 28. September 1852 is Stubbenhoff an dat Amt Jörk kamen. Na 1885 weer dat in’n Kreis Jörk, de 1932 Deel von’n Kreis Stood worrn is.

Bet 1852 hett de Oort to de Gemeen Bützfleet tohöört un is denn in de Gemeen Twielenfleet wesselt. Twielenfleet hett den Oort an’n 1. Juli 1972 mit de Gemeenreform in Neddersassen an de Gemeen Stood afgeven.

Inwahnertall

Johr	Inwahners
1848-00-001848	10 Lüüd, 4 Hüüs
1871-12-011. Dezember 1871	16 Lüüd, 2 Hüüs*
1885-12-011. Dezember 1885	19 Lüüd, 3 Hüüs**
1905-12-011. Dezember 1905	46 Lüüd, 5 Hüüs**

* as Brunshusen

** as Brunshüser Butendiek

Religion

Stubbenhoff is evangeelsch-luthersch präägt un höört to dat Kaspel von de Wilhadi-Kark in Stood.

För de Kathoolschen is de Hillig-Geist-Kark in Stood tostännig.

Weertschop un Infrastruktur

Verkehr

Von Stubbenhoff loopt Straten över dat Swing-Sparrwark na Brunshusen in’n Noorden un in’n Süden na Melau un von dor an de Kreisstraat 32. De K 32 geiht in Bassenfleet in de K 34 över, de na Twielenfleet löppt. In’n Süden geiht de K 32 an de Landsstraat 140 ran, de in’n Süüdoosten över Hullern un Greundiek na Steenkark löppt un in’n Westen an de L 111 un na Stood rin.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so söven Kilometer in’n Süden von Stubbenhoff an de L 111.

De nächste Bahnhoff is so bi fiev Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg.