Theisbrüggermoor

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Drochters
Inwahners:
Postleettall:	21706
Vörwahl:	04143
Geograafsche Laag:	53° 43′ N, 9° 20′ O

Theisbrüggermoor (hoochdüütsch Theisbrüggermoor) is en Oort in de Gemeen Drochters in’n Landkreis Stood, Neddersassen.

Geografie

De Oort liggt in dat Kedener Moor von Land Keden. Dat Water flütt över dat Theisbrügger Slüsenfleet na de Wischhobener Süderelv hen af. In’n Süden un Noorden flütt dat Water deelwies ok över dat Sietwenner Slüsenfleet un dat Nindörper Slüsenfleet af.

De Naveröörd sünd Doornbuschermoor un Nindörpermoor in’n Noorden, Nindörp un Theisbrügg in’n Noordoosten, Drochters in’n Oosten, Aschhoorn in’n Süden, Neelannermoor un Neeland in’n Süüdwesten un Hüll in’n Noordwesten.

Historie

Theisbrüggermoor is as Moorkolonie von Theisbrügg ut grünnt worrn.

Verwaltungsgeschicht

De Oort hett vör 1852 to dat Kaspelsgericht Drochters von dat Grevengericht Bützfleet tohöört un von 1852 bet 1859 to dat Amt Wischhoben. Dat Amt Wischhoben is 1859 oplööst worrn un dat Rebeed keem denn an dat Amt Freeborg. Na 1885 weer de Oort in’n Kreis Keden un 1932 is dat Deel von’n Kreis Stood worrn.

De Oort hett fröher to de Buurschop Theisbrügg tohöört, de later Deel von de Gemeen Drochters worrn is.

Inwahnertall

Johr	Inwahners
1871-12-011. Dezember 1871	194 Lüüd, 17 Hüüs
1885-12-011. Dezember 1885	123 Lüüd, 21 Hüüs
1905-12-011. Dezember 1905	94 Lüüd, 17 Hüüs

Religion

Theisbrüggermoor is evangeelsch-luthersch präägt un höört to dat Kaspel von de Johannis- un Katharinen-Kark in Drochters.

För de Kathoolschen is de Hillig-Geist-Kark in Stood tostännig.

Weertschop un Infrastruktur

För Theisbrüggermoor is de freewillige Füürwehr Drochters mit tostännig.

Verkehr

Dör Theisbrüggermoor löppt de Kreisstraat 12, de in’n Noordwesten över Nindörpermoor un Doornbuschermoor na Wulfsbrokermoor an de Bundsstraat 495 ran geiht un in’n Süüdoosten in de K 27 münnt. De K 27 löppt in’n Noordoosten bi Drochters na de Landsstraat 111 un in’n Süüdoosten över en ganze Reeg Mooröörd na Stood.

De nächste Autobahn is de Autobahn 26 (Afsnidd Stood–Hamborg). De Opfohrten 2 Stood-Süüd un 3 Stood-Oost doot so 23 Kilometer in’n Süüdoosten von Theisbrüggermoor an de B 73/L 111 liggen.

De nächste Bahnhoff is so bi 14 Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.

Scholen

De Kinner ut’n Oort gaht na de Grundschool Doornbusch.