Neelannermoor (Engelschopp)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Engelschopp
Inwahners:
Postleettall:	21710
Vörwahl:	04775
Geograafsche Laag:	53° 41′ N, 9° 18′ O

Neelannermoor (hoochdüütsch Neulannermoor ) is en lütten Oort, de to dat Dörp Neeland in de Gemeen Engelschopp (Samtgemeen Olendörp-Himmelpoorten) in’n Landkreis Stood, Neddersassen, höört.

Geografie

De Oort liggt an’n Süüdrand von dat Kedener Moor hen na de Masch von de Oost. Dat Water ut dat Rebeed flütt över Gravens na de Oost hen af.

De Naveröörd sünd Theisbrüggermoor, Aschhoorn un Aschhoornermoor in’n Noordoosten, Drochtersermoor in’n Oosten, Waterkroog un Engelschopp in’n Süüdoosten, Neeland in’n Süüdwesten, Grootweurn in’n Westen un Hüll in’n Noordwesten.

Historie

Neelannermoor is as Moorkolonie an’n Rand von de Feldmark von Neeland hen na dat Kedener Moor anleggt worrn.

Verwaltungsgeschicht

Vör 1852 weer de Oort in’n Kloosterbezirk Himmelpoorten von dat Amt Himmelpoorten un is denn na dat Amt Oosten wesselt. 1885 is de Oort denn Deel von’n Kreis Neehuus worrn, 1932 aver na’n Kreis Stood wesselt. Neelannermoor hett al jümmer to de Gemeen Neeland mit bihöört. An’n 1. Juli 1972 is de Gemeen Neeland denn Deel von de Gemeen Engelschopp worrn.

Inwahnertall

Johr	Inwahners
1885-12-011. Dezember 1885	85 Lüüd, 21 Hüüs

Religion

Neelannermoor is evangeelsch-luthersch präägt un höört to dat Kaspel von de Marienkark in Grootweurn.

För de Kathoolschen is de Hillig-Geist-Kark in Stood tostännig.

Weertschop un Infrastruktur

För Neelannermoor is de freewillige Füürwehr Neeland mit tostännig.

Verkehr

De eenzige Straat ut Neelannermoor rut is de Moorstraat na Neeland an de Landsstraat 113. De L 113 löppt in’n Noordwesten över Grootweurn bi Oosten an de Bundsstraat 495 ran un in’n Süden över Bredenwisch na Himmelpoorten an de Bundsstraat 73.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 23 Kilometer in’n Süüdoosten von Neelannermoor an de B 73. In Tokumst schall de A 26 noch länger warrn un de A 20 mit en Elvtunnel ünner de Elv dörföhren. Wenn beide Autobahnen boot warrt, denn draapt se sik veer Kilometer in’n Noordoosten von Neelannermoor in dat Dreeeck Drochters. De Fohrtweg na de Autobahn dör dat Kedener Moor warrt aver üm un bi 13 Kilometer lang.

De nächste Bahnhoff is so bi söven Kilometer wied weg in’n Süden de Bahnhoff Himmelpoorten an de Nedderelvbahn von Cuxhoben na Hamborg.