Theodor Olbers
Johann Caspar Theodor Olbers (* 9. Mai 1752 in Arbargen; † 26. Dezember 1815 in Neenborg) weer en düütschen Verwaltungsbeamten.
Olbers is 1752 as Söhn von Anna Maria, borene Vogt (19. April 1728–17. Oktober 1798), un den Pastoor Johann Jürgen Olbers (7. September 1716–20. Dezember 1772) in Arbargen boren.[1] Heinrich Wilhelm Olbers weer sien Broder. He hett an de Universitäten Leipzig un Göttingen Juristeree studeert, an’n 20. Februar 1776 sien Dr. jur. maakt un weer Avkaat in Bremen.[1][2] He weer von 1792 bet 1803 hannöverschen Intendant in Bremen un as Gogreev Amtmann von dat Gogericht Achem.[1] As dör den Rieksdeputatschoonshauptsluss de Doombezirk 1803 an de Stadt Bremen fullen is, is Olbers as Amtmann in dat Amt Neenborg wesselt. Ünnerbraken dör de Franzosentied von 1810 bet 1813/1814 is Olbers bet to sien Dood 1815 Amtmann in Neenborg bleven.
He hett 1777 Anna Dorothea Maria Schulenburg (28. Juli 1755–14. Februar 1830) freet.[1] De beiden harrn de Kinner Heloise Theodore (1781–1781), Marie Friederike Emilie (1794–1835), Henriette Sophie (1783–1809), Nicolaus Theodor (* 1780), Johann Georg Theodor (* 1778) un Heloise Theobaldine (1782–1833).[1]
Warken
ännern- De Valore Monetae Mercatorum Auctoritate Mutato. Dokterarbeid, 1776
Footnoten
ännern- ↑ a b c d e http://gedbas.genealogy.net/person/show/1155831019
- ↑ Karlheinz Gerhold: Wilhelm und Theodor Olbers - alte Achimer?