Hauptmenü öffnen

De Ummel (hoochdüütsch Ummel) is en Holt un fröher en Forsthuus in de Gemeen Hepst (Samtgemeen Tarms) in’n Landkreis Rodenborg, Neddersassen. Dat is en Staatsforst.

GeografieÄnnern

Dat Holt liggt op de Zevener Geest. Dat Water ut dat Rebeed flütt över Schmoo un Reithbeek af.

De Naveröörd sünd Ehbrook un Balkenweed in’n Noorden, Wennbossel in’n Noordoosten, Wentel in’n Oosten, Karktimk in’n Süüdoosten, Wist in’n Süden, Hepst in’n Süüdwesten un Breddörp in’n Noordwesten.

HistorieÄnnern

In’n Ummel gifft dat en Graffplatz, op den 1941 un 1942 fiev russ’sche Kriegsfungene begraven worrn sünd.

1947 is in’n Ummel dat Ummelbad anleggt worrn, en Freebad, dat vondaag von de Samtgemeen Tarms bedreven warrt.

VerwaltungsgeschichtÄnnern

In de Franzosentied von 1810 bet 1814 hett dat Fortshuus to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Dat Forsthuus Ummel hett vör 1859 to de Amtsvaagdie Wilst in dat Amt Otterbarg tohöört. 1859 is dat as Deel von dat Kaspel Karktimk in dat Amt Zeven wesselt un weer na 1885 denn in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

InwahnertallÄnnern

Johr Inwahners
1812-00-001812[1] 4
1824-00-001824[2] 1 Füürsteed

ReligionÄnnern

Ummel is evangeelsch-luthersch präägt un höört to dat Kaspel von de Lamberti-Kark in Karktimk.

FootnotenÄnnern