Wennbossel (Landkreis Rodenborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04285 | |
| Geograafsche Laag: | Koordinaten:53° 18′ N, 9° 10′ O53° 18′ N, 9° 10′ O | |
|
| ||
Wennbossel (hoochdüütsch Wennebostel) is en lütten Oort in de Gemeen Oostereis (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Oostereis mit bi.
Geografie ännern
In’n Süüdwesten von Wennbossel liggt de Ummel. Dichtbi doot de Hunnbeek un de Hollenbeek vörbifleten. De Hunnbeek münnt in’n Noordwesten in’n Rummeldeisbeek un de Hollenbeek in’n Oosten in de Baad.
De Naveröörd sünd Oostereis in’n Noordoosten, Baadmöhlen mit Övelgünn in’n Oosten, Schohöben un Badenst in’n Süüdoosten, Oostertimk, Karktimk un Wentel in’n Süden, Hepst in’n Süüdwesten, Balkenweed, Ehbrook un Breddörp in’n Westen un Rohreis in’n Noordwesten.
Historie ännern
Verwaltungsgeschicht ännern
In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Sürsen in dat Amt Zeven tohöört. Mit de Verwaltungsreform 1859 is dat ole Kaspel Sürsen ut dat Amt Zeven in dat Amt Bremervöör wesselt. Dör en Verordnung von’n 22. Juni 1859 is Wennbossel wedder an dat Amt Zeven gahn.[1] Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is an’n 1. März 1974 as Deel von de Gemeen Oostereis mit de Gemeenreform in Neddersassen an de ne’e, gröttere Gemeen Oostereis kamen.
Inwahnertall ännern
| Johr | Inwahners |
|---|---|
| 1812[2] | 6 |
| 1824[3] | 1 Füürsteed |
| 1848[4] | 6 Lüüd, 1 Huus |
| 1. Dezember 1871[5] | 7 Lüüd, 1 Huus |
Religion ännern
Wennbossel is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur ännern
Verkehr ännern
Wennbossel liggt an en Blangenstraat von de Landsstraat 122, de in’n Noordwesten över Rohreis un Rhaar bi Gnarrenborg an de Bundsstraat 74 ran löppt. In’n Süüdoosten geiht de L 122 över Baadmöhlen na Zeven un dor an de Bundsstraat 71.
De nächste Autobahn is de Autobahn 1. De Opfohrt 48 Elsdörp liggt so 18 Kilometer in’n Süüdoosten von Wennbossel.
De nächste Bahnhoff is so bi 24 Kilometer wied weg in’n Noorden de Bahnhoff Heesdörp an de Bahnlien Bremerhoben–Buxthu. Fröher hett dat direkt in Wennbossel ok en Bahnhoff an de Bahnlien Wilst–Töst geven. De Bahnhoff hett Bahnhoff Oostereis heten. Personenverkehr hett dat dor von 1917 bet 1964 geven.
Footnoten ännern
- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
- ↑ C. H. Jansen: Statistisches Handbuch des Königreichs Hannover. 1824, Sied 650: http://books.google.de/books?id=tG0AAAAAcAAJ&pg=PA650
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171: https://books.google.de/books?id=qTZDAQAAMAAJ&pg=RA1-PA171