Hauptmenü öffnen
Wapen/Flagg Koort

Wapen vun Karktimk

Karktimk
Laag vun Karktimk in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Tarms
Flach: 16,14 km²
Inwahners: 960 (31. Dezember 2017)
Hööchd: 24 m över de See
Postleettall: 27412
Vörwahl: 04289
Geograafsche Laag:
Koordinaten:53° 15′ N, 9° 9′ O
53° 15′ N, 9° 9′ O
Grenzen bi OSM: 965610 965610
Gemeenslötel: 03 3 57 030
Öörd in de Gemeen: 2
Börgermeester: Armin Springwald (WG)
Websteed: www.tarmstedt.de/
Koort
Kreis
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Karktimk in’n Landkreis Rodenborg (Koort lett sik anklicken)

Karktimk is en Oort un Gemeen in de Samtgemeen Tarms in’n Landkreis Rodenborg (Wümm) in’n Noordwesten vun Neddersassen. In de Gemeen leevt 960 Inwahners (Stand 31. Dezember 2017), de sik op de beiden Oortsdelen Karktimk un Oostertimk verdeelt.

Inholtsverteken

GeografieÄnnern

Karktimk liggt in’n Oosten vun de Samtgemeen un warrt in Süüden un Westen vun de Gemenen Büls, Westertimk un Hepst begrenzt, de ok to de Samtgemeen höört. In’n Noorden besteiht lütten Kontank na de Gemenen Rhaar un Oostereis vun de Samtgemeen Sürsen un na’n Oosten hen liggt de Gemeen Zeven.

De Gemeen is ländlich prägt un liggt in en Landschop, de vun Woold- un Moorrebeden bestimmt warrt. In de Gegend vun Oostertimk liggt de Bullensee mit den Bullenbarg.

GeologieÄnnern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

HistorieÄnnern

De Gemeen duukt dat eerste mol 1148 in en Oorkunn op. In verleden Tieten hett de Oort den Naam Timbike dragen.

ReligionÄnnern

Karktimk is evangeelsch-luthersch präägt un billt mit de Lamberti-Kark en egen Kaspel.

De eerste Kark is wohrschienlich in’t 12. Johrhunnert boet worrn. Dorop wiest de romaansche Dööpsteen (üm 1200) hen as ok dat kostbore snittjert fröhgotische Kruzifix (üm 1280). As de Kark 1962 neemaakt worrn is, sünd in dat olle Kruzifix Reliquien funnen worrn, de in Stoff inwickelt un mit de Naams vun de Hilligen Lambertus un Pankratius beschreven weern. Dorto hebbt se Sand ut dat Hillige Land funnen. Siet de Tiet driggt de Kark den Binaam vun’n Lambert. De St.-Lambertus-Kark is 1739 nee opboet worrn, vun wegen dat de Kark för dat gröttere Karkspeel to lütt worrn weer. 1884 is de ne’e Karktoorn opricht worrn, un de olle Rundtoorn weer afbroken.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

PolitikÄnnern

GemeenraatÄnnern

De Gemeenraat ümfaat negen Liddmaten, de sik op twee Wählergemeenschoppen verdeelt. De letzte Kommunalwahl weer in’n September 2011. De Börgermeester is Armin Springwald.

Partei 2016 2011 2006
WG Karktimk 9 9 7
WG Oostertimk 2

WapenÄnnern

Dat Wapen vun de Gemeen Karktimk wiest in’n ünneren Deel de Karktimker Kark mit den ollen Rundtoorn in Gold op blauen Grund, wat för Karktimk steiht. Dat Wapenschild warrt deelt dör en Bülgenband, dat schraag vun links na rechts baven löpt. De bövere Deel wiest op blauen Grund de opgahn golden Sünn in’n Oosten, de för Oostertimk steiht.

KulturÄnnern

Karktimk liggt in en feine Landschop, de to’n Spazerengahn inlaadt. De Gemeen hett Sportanlagen un en Freebad för de Freetietgestalten. An Verenen gifft dat den TSV Timke un den Musiktog vun de Freewilligen Füerwehr Karktimk.

VerkehrÄnnern

Dör Karktimk un Oostertimk föhrt de L 133, de vun Tarms na de Gemeen Zeven föhrt un in’n Oosten Ansluss an de L 122 hett. In’n Oortsdeel Karktimk twiegt de K 133 af, de na Hepst henföhrt, un in’n Oortsdeel Oostertimk twiegt de K 111 af, de in Hemel in de L 132 münnt.

WeblenkenÄnnern