Wist (Landkreis Rodenborg)

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Zeven Gemeen: Zeven
Inwahners:	299 (2016-06-3030. Juni 2016)
Postleettall:	27404
Vörwahl:	04281
Geograafsche Laag:	53° 16′ N, 9° 19′ O

Wist (hoochdüütsch Wistedt) is en Dörp in de Gemeen Zeven in’n Landkreis Rodenborg, Neddersassen.

De lüttjeren Öörd Hoffkoh, Osenhorst un Bahnhoff Elsdörp höört ok bi dat Dörp mit bi.

Geografie

So bi twee Kilometer in’n Westen von Wist flütt de Meh-Au langs un twee Kilometer in’n Oosten verlöppt de Osenhorster Beek.

De Naveröörd sünd Wiersdörp in’n Noorden, Frankenbossel in’n Noordoosten, Bahnhoff Elsdörp un Elsdörp in’n Süüdoosten, Osenhorst in’n Süden, Wehldörp in’n Süüdwesten, Brüttendörp in’n Westen un Zeven un Asp in’n Noordwesten.

Historie

Gedenksteen to’n Weddstried Uns Dörp schall schöner warrn

Dat Dörp weer 1977 Bundswinner bi’n Weddstried Uns Dörp schall schöner warrn.

Verwaltungsgeschicht

In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Gemeen weer Maat von de Samtgemeen Elsdörp un is mit de Gemeenreform in Neddersassen an’n 1. März 1974 Deel von de Gemeen Zeven worrn.

Inwahnertall

Johr	Inwahners
1824-00-001824	13 Füürsteden
1848-00-001848	197 Lüüd, 30 Hüüs
1910-12-011. Dezember 1910	252
1925-00-001925	264
1933-00-001933	243
1939-00-001939	221

Religion

Wist is evangeelsch-luthersch präägt un höört to dat Kaspel von de Allerhilligen-Kark in Elsdörp.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur

Denkmaal för de Fullenen ut de twee Weltkrieg’

In Wist steiht en Denkmaal för de Fullenen ut de twee Weltkrieg’.

Weertschop un Infrastruktur

Sprüttenhuus in Wist

Wist hett en egene freewillige Füürwehr.

Verkehr

Dör Wist löppt de Landsstraat 131, de in’n Süüdoosten na Elsdörp, Hetzweeg un Scheeßl löppt. In’n Noordwesten geiht de L 131 na Zeven un löppt an de Bundsstraat 71 ran, de in’n Noorden na Sürsen un Bremervöör geiht un in’n Süüdoosten na Rodenborg. Ans gifft dat lüttjere Straten na Brüttendörp, Osenhorst, Frankenbossel un Asp.

So bi veer Kilometer in’n Süüdoosten löppt de Autobahn 1 an Wist langs. De Opfohrt 48 Elsdörp is in so veer Kilometer in’n Süüdoosten.

De nächste Bahnhoff is so bi 17 Kilometer wied weg de Bahnhoff Scheeßl an de Bahnlien Bremen–Hamborg. Von 1906 bet 1968 hett dat den Bahnhoff Elsdörp an de Bahnlien Bremervöör–Wasra geven, de von Wist so twee Kilometer weg weer.

Scholen

De Kinner ut Wist gaht op de Grundschool Elsdörp.

Lüüd

De plattdüütsche Schrieversche Uschi Krämer hett in Wist leevt.

Literatur

• Dorfchronik von Wistedt: mit seinen Ortsteilen Hofkoh, Osenhorst und Bahnhof Elsdorf im Wandel der Zeit. 2013

Weblenken

Wist (Landkreis Rodenborg). Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Stadt Zeven

Badenst (mit Baadmöhlen un Övelgünn) | Brauel | Brümmerhoff (mit Hemel) | Brüttendörp | Olendörp | Wist (mit Hoffkoh, Osenhorst un Bahnhoff Elsdörp) | Zeven (mit Asp)