Veerhusen (Gemeen Hu’e)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27721 | |
| Vörwahl: | 04292 | |
| Geograafsche Laag: | Koordinaten:53° 12′ N, 8° 45′ O53° 12′ N, 8° 45′ O | |
|
| ||
Veerhusen (hoochdüütsch Vierhausen) is en Deel von de Gemeen Hu’e in’n Landkreis Oosterholt, Neddersassen. Dat weer fröher en egen Dörp, is vondaag aver kumplett mit Hu’e to een Oort tohoopwussen.
Geografie ännern
De Oort liggt op de Oosterholter Geest, aver nich wied weg von de Maschen von de Hamm. Dat Water ut dat Rebeed flütt över de Hu’er Beek na de Hamm af. Dat Rebeed in’n Westen is as Naturschuulrebeed Heerweger Moor un Born von de Hu’er Beek schuult.
De Naveröörd sünd Övelgünn in’n Noorden, Scharmbeekstotel un Ruschkamp in’n Noordoosten, Hu’e in’n Süüdoosten, Hu’erbeek in’n Süden, Ihlpohl in’n Süüdwesten, Oosterhagen in’n Westen un Leessemstotel un Wullbrandt in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hu’e in’n Kanton Hu’e höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hu’e in’n Kanton Oosterholt.
De Oort hett vör 1848 to dat Gericht Hu’e tohöört un denn von 1848 bet 1885 to dat Amt Oosterholt. Na 1885 weer dat in’n Kreis Oosterholt, de 1932 mit’n Kreis Bloemndal to’n ne’en grötteren Kreis Oosterholt tohoopgahn is.
De Oort höört von öllers bi de Gemeen Hu’e mit bi, de an’n 1. März 1974 mit de Gemeenreform in Neddersassen noch düüdlich grötter worrn is.
Inwahnertall ännern
| Johr | Inwahners |
|---|---|
| 1791[1] | 11 Füürsteden |
| 1. Dezember 1885[2] | 176 Lüüd, 28 Hüüs |
| 1. Dezember 1905[3] | 193 Lüüd, 31 Hüüs |
Religion ännern
Veerhusen is evangeelsch-luthersch präägt un höört to dat Kaspel von de Johannes-Kark in Hu’e.
För de Kathoolschen is de Hillige-Familie-Kark in Oosterholt-Scharmbeek tostännig.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 235
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144