Verlüßmoor

Wapen/Flagg	Koort
Basisdaten
Bundsland: Neddersassen Landkreis: Oosterholt Samtgemeen: Hambargen Gemeen: Vollerso
Inwahners:
Postleettall:	27729
Vörwahl:	04793
Geograafsche Laag:	53° 18′ N, 8° 54′ O

Verlüßmoor (hoochdüütsch Verlüßmoor) is en Dörp in de Gemeen Vollerso (Samtgemeen Hambargen) in’n Landkreis Oosterholt, Neddersassen.

Geografie

De Oort liggt in dat Düvelsmoor op üm un bi 7 Meter över NHN. Dat Water ut dat Rebeed flütt över de Beek na de Hamm hen af. In’n Süden liggt dat Naturschuulrebeed Törfkanaal un Randmooren.

De Naveröörd sünd Wallhöben in’n Noorden, Bornrieh un Friedensheim in’n Noordoosten, dat Dörp Düvelsmoor in’n Süüdoosten, Spreddig in’n Süüdwesten un Heilsdorp un Heißenbuttel in’n Westen.

Historie

Verlüßmoor is in dat 19. Johrhunnert as Moorkolonie grünnt worrn.

In’n Eersten Weltkrieg sünd 13 Soldaten ut Verlüßmoor fullen oder vermisst un in’n Tweten Weltkrieg twölv.

Verwaltungsgeschicht

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett al jümmer to de Gemeen Wallhöben mit tohöört, de an’n 1. April 1937 Deel von de Gemeen Vollerso worrn is. En Deel hett fröher aver ok to Heißenbuttel tohöört.

Inwahnertall

Gemeen Wallhöben:

Johr	Inwahners
1871-12-011. Dezember 1871	103 Lüüd, 17 Hüüs
1885-12-011. Dezember 1885	87 Lüüd, 16 Hüüs
1905-12-011. Dezember 1905	126 Lüüd, 20 Hüüs

Gemeen Heißenbuttel:

Johr	Inwahners
1871-12-011. Dezember 1871	28 Lüüd, 4 Hüüs

Religion

Verlüßmoor is evangeelsch-luthersch präägt un höört to dat Kaspel von de Ansgar-Kark in Wallhöben. De Wallhöbener Kark is 1966 boot un 1997 egenstännige Karkengemeen worrn. Vörher hett de Oort to de Cosmae-un-Damiani-Kark in Hambargen tohöört.

För de Kathoolschen is de Hillige-Familie-Kark in Oosterholt-Scharmbeek tostännig.

Kultur

In Verlüßmoor steiht en Denkmaal för de Fullenen ut de twee Weltkrieg’.

Verenen

De Lüüd ut Verlüßmoor sünd ünner annern in’n Sportvereen Blau-Witt Bornrieh mit aktiv.

Weertschop un Infrastruktur

För Verlüßmoor is de freewillige Füürwehr Bornrieh mit tostännig. Düsse Wehr is 1951 as Löschgrupp för de dree Öörd Bornrieh, Friedensheim un Verlüßmoor binnen de Freewillige Füürwehr Vollerso grünnt worrn. De Löschgrupp hett 1983 den Status von en egen Oortsfüürwehr kregen.

Dat gröttste Ünnernehmen is dat Boünnernehmen Helmut Kück.

Verkehr

In Verlüßmoor gifft dat blots een Straat. Düsse Straat föhrt in’n Westen na Heißenbuttel un dor an de Bundsstraat 74 un in’n Noordoosten na Bornrieh an de Kreisstraat 30. De K 30 wedder löppt in’n Noorden över de K 21 un K 19 na Wallhöben an de B 74 un in’n Süden na dat Dörp Düvelsmoor. De B 74 föhrt in’n Noordoosten över Kuhs un Basdaal na Bremervöör un in’n Süüdwesten na Oosterholt-Scharmbeek, Hu’e un Bremen-Noord.

De Opfohrt 16 Bremen-Noord op de Autobahn 27/270 liggt so 23 Kilometer in’n Süüdwesten von Verlüßmoor.

De nächste Bahnhoff is so bi acht Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt geven. De Bahnhoff Huttendorp-Heudorp weer in disse Tied söven Kilometer in’n Oosten.