Virion
Virion (Plural Viria, Virionen oder Virions), hen un wenn ok Viron, is de Beteken vun en enkelten Virus, wenn he nich binnen in de Zell vun en Weert togange is, man buten.
En Virion besteiht ut een oder twee Moleküle vun Nukleinsüer, faken mit en Proteindopp dor umto. Düsse Dopp warrt Kapsid nömmt. Unner Umstänn sitt noch annere Proteine in dat Virion in. De sünd denn dor togange as Enzyme. Bi en Reeg vun Viren besteiht dat Virion tosätzlich ut en ütere Lipidmembran, dat is de Virushüll.[1] De Virionen höört, just so, as de Viren, de sik bloß mit Hölp vun frömme Zellen vermehren könnt, nich to de Leevwesen, vunwegen, datt se keen egen Stoffwessel hefft.
Belege ännern
- ↑ N. J. Dimmock, Andrew J. Easton, Keith Leppard: Introduction to Modern Virology. 6. Upl., Wiley-Blackwell, Malden 2007, ISBN 9781405136457, Siete 49, Kapitel 4: Classification of Viruses.