Hauptmenü öffnen
(588) Achilles
Egenschoppen vun’n Orbit
(Simulatschoon)
Orbitklass Jupiter-Trojaner
Grote Halfass 5,209 AE
Perihel — Aphel 4,446 — 5,973 AE
Bahnexzentrizität 0,1466
Bahnnegen gegen de Ekliptik 10,319 °
Ümlooptiet 11,89 a
middlere Bahnsnelligkeit 13,0 km/s
Physikaalsch Egenschoppen
Dörmeter 130,1 km
Rotatschoonsduer 7,306 h
Albedo 0,043
Historie
opdeckt vun Max Wolf
an’n 1906-02-2222. Februar 1906
in  Heidelbarg
Annere Beteken A906 DN

(588) Achilles is en Asteroid, de an’n 22. Februar 1906 vun den düütschen Astronom Max Wolf in Heidelbarg opdeckt worrn is. Dat weer de eerste Asteroid ut de Grupp vun de Jupiter-Trojaner. Dat bedüüt, dat sik (588) Achilles op de Bahn vun Jupiter bewegt. Nöömt is he na den greekschen Held Achilles ut de Ilias. De Vörschlag dorto keem vun Wolf sien Kolleeg un Fründ Johann Palisa[1].

De Asteroid löpt Jupiter üm 60° vörut un befinnt isk dormit an’n Lagrange-Punkt L4. De Trojaners, de Jupiter vörutlopen doot, warrt ok as Greken betekent un sünd na antike greeksche Helden nöömt. Wiel de Oppositschoon warrt (588) Achilles bit to 16,6 mag hell, so dat he en bannig lichtswack Objekt an’n Himmel is. Blangen sien lütte Grött wiest de Asteroid ok blots en lütte Albedo op. Na Ünnersöken an de Infrared Telescope Facility (IRTF) vun de NASA besteiht de Böverflach wohrschienlich to 20-40% ut Pyroxen. De beobachte Rootfarven vun’t reflekteerte Licht geiht wohrschienlich op Iesen torüch. Andelen vun Tholin künnen dör Spektralanalysen utslaten warrn. Bito is de Böverflach arm an Chloriten (< 1 %).

Kiek okÄnnern

LiteraturÄnnern

  • Emery, J. P.; Brown, R. H.: Constraints on the surface composition of Trojan asteroids from near-infrared (0.8–4.0 μm) spectroscopy; Icarus, Band 164 (1), 7/2003, Sieten 104-121, doi: 10.1016/S0019-1035(03)00143-X (engelsch)
  • Emery, J. P.; Brown, R. H.: The surface composition of Trojan asteroids: constraints set by scattering theory; Icarus, Band 170 (1), 7/2004, Sieten 131-152, doi: 10.1016/j.icarus.2004.02.004 (engelsch)

BornsÄnnern

  1. Dictionary of Minor Planet Names, Springer; afropen an’n 6. März 2019