(624) Hektor

Asteroid

(624) Hektor is en Asteroid, de an’n 10. Februar 1907 vun den düütschen Astronom August Kopff in Heidelbarg opdeckt worrn is. He tellt to de Grupp vun de Jupiter-Trojaner. Dat sünd Asteroiden, de ruchweg op de Bahn vun Jupiter lopen doot.

(624) Hektor
Egenschoppen vun’n Orbit
(Simulatschoon)
Orbitklass Jupiter-Trojaner
Grote Halfass 5,260 AE
Perihel — Aphel 5,137 — 5,382 AE
Bahnexzentrizität 0,0233
Bahnnegen gegen de Ekliptik 18,162 °
Ümlooptiet 12,06 a
middlere Bahnsnelligkeit 13,0 km/s
Physikaalsch Egenschoppen
Dörmeter 416 · 131 · 120 km
Masse 7.91 ± 1.41 · 1018[1] kg
Middlere Dicht 2.43 ± 0.35[1] g/cm³
Rotatschoonsduer 6,924 h
Albedo 0,025
Historie
opdeckt vun A. Kopff
an’n 1907-02-1010. Februar 1907
in  Heidelbarg
Annere Beteken A907 CF, 1948 VD

(624) Hektor löpt Jupiter ruchweg 60° vörut un befinnt sik dormit in den so nöömten Lagrange-Punkt L4. All Trojaners, de op dissen Lagrange-Punkt loopt, sünd na greeksche Helden nöömt. He is de gröttste un hellste Jupiter-Trojaner. Sien Naam is vun Hektor afleidt, de in de greekschen Mythologie en wichtigen Held in’n Trojaanschen Krieg weer[2].

De Form vun den Asteroid is unregelmatig as en Hantel mit Afmeten vun ruchweg 416 · 131 · 120 km. He warrt ümkreist vun den lütten Maand Skamandrios mit en Dörmeter vun üm un bi 12 km un en middleren Afstand vun ruchweg 620 km.[1]

Kiek ok ännern

List vun de Asteroiden

Borns ännern

  1. a b c Asteroids with Satellites Database – Johnston’s Archive; afropen an’n 5. Juni 2019
  2. Dictionary of Minor Planet Names, Springer; afropen an’n 5. Juni 2019