Aßel (Oterndörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 48′ N, 8° 52′ O53° 48′ N, 8° 52′ O | |
|
| ||
Aßel (hoochdüütsch Assel) is en lütten Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
ännernDe Oort liggt in Land Hadeln in de Masch von de Ünnerelv. Dat Water ut dat Rebeed flütt över Waterlösen na de Mehm hen af.
De Naveröörd sünd Müggendörp, Besenhalm un Westerwisch in’n Noorden, Oterndörp in’n Oosten, Smeelweg un Süderwisch in’n Süden un dat Oosterenn von Olenbrook in’n Westen.
Historie
ännernVerwaltungsgeschicht
ännernDe Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is Aßel an de Stadt Oterndörp kamen.
Inwahnertall
ännern| Johr | Inwahners |
|---|---|
| 1. Dezember 1871[1] | 25 Lüüd, 7 Hüüs |
| 1. Dezember 1885[2] | 30 Lüüd, 6 Hüüs |
| 1. Dezember 1905[3] | 22 Lüüd, 6 Hüüs |
Religion
ännernAßel is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernFör Aßel is de freewillige Füürwehr Oterndörp mit tostännig.
Verkehr
ännernAßel liggt an en lüttje Siedenstraat von de Kreisstraat 70, de in’n Oosten na Oterndörp rin geiht un in’n Süüdwesten an de Bundsstraat 73. De B 73 löppt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 13 Kilometer in’n Noordwesten von Aßel an de B 73.
De nächste Bahnhoff is so bi twee Kilometer wied weg in’n Oosten de Bahnhoff Oterndörp an de Nedderelvbahn von Cuxhoben na Hamborg.
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69
