Süderwisch (Oterndörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 48′ N, 8° 51′ O53° 48′ N, 8° 51′ O | |
|
| ||
Süderwisch (hoochdüütsch Süderwisch) is en Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
ännernDe Oort liggt in Land Hadeln in de Masch von de Ünnerelv. Dat Water ut dat Rebeed flütt över Waterlösen na de Mehm hen af.
De Naveröörd sünd Smeelweg un Aßel in’n Noordoosten, Kampen un de Hoff Katthusen in’n Oosten, de Katthüserdeel von Neenkarken in’n Süüdoosten, Dellnwort in’n Süden, dat Oosterenn von de Worth in’n Süüdwesten un dat Oosterenn von Olenbrook in’n Noordwesten.
Historie
ännernVerwaltungsgeschicht
ännernDe Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is Süderwisch an de Stadt Oterndörp kamen.
Inwahnertall
ännern| Johr | Inwahners |
|---|---|
| 1848[1] | 137 Lüüd, 28 Hüüs* |
| 1. Dezember 1871[2] | 104 Lüüd, 22 Hüüs |
| 1. Dezember 1885[3] | 91 Lüüd, 19 Hüüs |
| 1. Dezember 1905[4] | 108 Lüüd, 26 Hüüs |
- * tohoop mit Kampen un de Hüüs an de Warningsackermöhl
Religion
ännernSüderwisch is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernFör Süderwisch is de freewillige Füürwehr Oterndörp mit tostännig.
Verkehr
ännernDör Süderwisch löppt de Kreisstraat 9, de in’n Noorden na de Bundsstraat 73 geiht un in’n Süden na Dellnwort an de K 11. De K 11 föhrt in’n Westen na de Worth un in’n Oosten na Neenkarken. De B 73 löppt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so ölven Kilometer in’n Noordwesten von Süderwisch an de B 73.
De nächste Bahnhoff is so bi veer Kilometer wied weg in’n Noordoosten de Bahnhoff Oterndörp an de Nedderelvbahn von Cuxhoben na Hamborg.
Scholen
ännernDe Kinner gaht na de Grundschool Oterndörp.
Footnoten
ännern- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69