Adiek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04281 | |
| Geograafsche Laag: | Koordinaten:53° 18′ N, 9° 22′ O53° 18′ N, 9° 22′ O | |
|
| ||
Adiek (hoochdüütsch Adiek) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Wiersdörp mit bi.
Geografie
ännernAn’n Hoff Adiek langs flütt de Röhrsbeek, de in’n Noordoosten in de Oost münnt.
De Naveröörd sünd Oosterheeßel in’n Noordoosten, Weertzen in’n Oosten, Ahoff un Frankenbossel in’n Süden, Wiersdörp in’n Westen un Heeßel in’n Noordwesten.
Historie
ännernAdiek keem an’n 11. November 1105 as Adiga toeerst in de Oorkunnen vör, nadem Graaf Dierk III. von Katelnborg von sien Vader Land in Adiek arvt harr un bi dat Stiften von dat Klooster Katelnborg dissen Besitt dat Klooster mitgeven hett.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Inwahnertall
ännern| Johr | Inwahners |
|---|---|
| 1793[1] | 2 Füürsteden |
| 1824[2] | 1 Füürsteed |
| 1848[3] | 6 Lüüd, 1 Huus |
| 1. Dezember 1871[4] | 14 Lüüd, 3 Hüüs |
Religion
ännernAdiek is evangeelsch-luthersch präägt un höört to dat Kaspel von de Viti-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernAn Adiek langs löppt de Landsstraat 142, de in’n Westen na Zeven an de Bundsstraat 71 ran geiht un in’n Süüdoosten na Zittens un Wist an de Bundsstraat 75 ran.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so twölv Kilometer in’n Süden von Adiek un de Opfohrt 47 Zittens twölv Kilometer in’n Süüdoosten.
De nächsten Bahnhööv sünd so bi 24 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen un bi 25 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 4: https://books.google.de/books?id=jN5QAAAAcAAJ&pg=RA1-PA4
- ↑ C. H. Jansen: Statistisches Handbuch des Königreichs Hannover. 1824, Sied 4: http://books.google.de/books?id=tG0AAAAAcAAJ&pg=RA1-PA4
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 173: https://books.google.de/books?id=qTZDAQAAMAAJ&pg=RA1-PA173
