Ohrensflucht

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Öberndörp
Inwahners:
Postleettall:	21787
Vörwahl:	04772
Geograafsche Laag:	53° 43′ N, 9° 8′ O

Ohrensflucht (hoochdüütsch Ahrensflucht) is en Oort in de Gemeen Öberndörp (Samtgemeen Land Hadeln) in’n Landkreis Cuxhoben, Neddersassen.

De Oortsdelen Ohrensfluchterdiek un Ohrensfluchtermoor billt twee separate Oortslagen.

Geografie

Ohrensflucht liggt in de Masch an dat linke Över von de Oost. Na Westen to liggt Moor, an dat sik denn de Wingster Geest anslütt.

De Naveröörd sünd Braak in’n Noordoosten, Achthöbenerdiek in’n Oosten (op de anner Sied von de Oost), Hemm in’n Süüdoosten, Hemmoor un Westersood in’n Süden, Dobrook in’n Westen un Oostercaadwisch in’n Noordwesten.

Historie

In de Oorkunnen kummt Ohrensflucht toeerst 1050 as Arnefoleto vör. 1083 is dat Dörp denn von Otto von Northeim an dat Klooster Harsfeld schenkt worrn.

Inwahnertall

Johr	Inwahners
1824-00-001824	60 Füürsteden
1848-00-001848	287 Lüüd, 57 Hüüs

Religion

Ohrensflucht is evangeelsch-luthersch präägt un höört to dat Kaspel Öberndörp.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Kultur

Verenen

De Schützenvereen Ohrensfluchtermoor-Hemmoor is 1902 grünnt worrn.

Infrastruktur

Verkehr

De Dörpstraat von Ohrensflucht löppt in’n Westen an de Bundsstraat 73 ran, de denn in’n Noordwesten na Kumbarg un Oterndörp löppt un in’n Süüdoosten na Hemmoor/Warstood/Basbeek un Heckthusen. In’n Oosten löppt de Dörpstraat an de Kreisstraat 25 (Ohrensfluchtermoor), de denn in’n Noordoosten an’n Oostendiek langs na Öberndörp geiht.

Bahnhööv an de Nedderelvbahn sünd de Bahnhoff Wingst un de Bahnhoff Hemmoor.