Achthöbenerdiek

Oort in de Gemeen Oosten in’n Landkreis Cuxhoben, Neddersassen
Wapen/Flagg Koort
hett keen Wapen
Achthöbenerdiek
Laag vun Achthöbenerdiek in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Oosten
Inwahners:
Postleettall: 21756
Vörwahl: 04771
Geograafsche Laag:
Koordinaten:53° 42′ N, 9° 10′ O
53° 42′ N, 9° 10′ O

Karte

Achthöbenerdiek (hoochdüütsch Achthöfenerdeich) is en Oort in de Gemeen Oosten (Samtgemeen Land Hadeln) in’n Landkreis Cuxhoben, Neddersassen.

Geografie ännern

 
Schöppwark an dat Achthöbener Fleet

De Oort liggt in de Masch direkt achter’n Diek von de Oost. Güntsied de Oost liggt de Haven Swartenhütten. Dat Water ut dat Rebeed warrt över dat Achthöbener Fleet na de Oost hen afföhrt.

De Naveröörd sünd Nedderstrekerdiek un Nedderstreek in’n Noorden, Achthöben in’n Noordoosten, de Diekreeg un Karkoosten in’n Süüdoosten, Basbeek in’n Süden, Warstood in’n Süüdwesten, Ooldhemmoor in’n Westen un Hemm un Ohrensfluchterdiek in’n Noordwesten.

Historie ännern

In’n Noorden von Achthöbenerdiek an de Grenz na Nedderstrekerdiek liggt dat Gasthuus Seefohrer. Dat Gasthuus is in de twete Hälft von dat 18. Johrhunnert boot worrn (fröher Huusnummer Olendörp 82) un weer mit en Warft verbunnen. Dat Gasthuus is 1812 utboot worrn. Dat Gasthuus besteiht bet vondaag, ok wenn dat twüschen verscheden Besitter- un Pächterwessels tiedwies dichtmaakt weer. Siet 2014 is Oliver Bark de Bedriever.

Verwaltungsgeschicht ännern

Achthöbenerdiek leeg vör 1852 in dat Gericht Oosten, ut dat 1852 dat Amt Oosten worrn is. 1885 is dat Deel von’n Kreis Neehuus worrn. 1932 is dat an’n Kreis Land Hadeln kamen un denn 1977 Deel von’n Landkreis Cuxhoben worrn.

De Oort hett von öllers bi de Gemeen Olendörp mit bihöört, de an’n 1. Juli 1972 mit de Gemeenreform in Neddersassen Deel von de Gemeen Oosten worrn is.

Inwahnertall ännern

Johr Inwahners
1885-12-011. Dezember 1885[1] 162 Lüüd, 24 Hüüs

Religion ännern

Achthöbenerdiek is evangeelsch-luthersch präägt un höört to dat Kaspel von de Petrus-Kark in Oosten.

För de Kathoolschen is de Karkengemeen Hillig Geist in Stood tostännig.

Weertschop un Infrastruktur ännern

För Achthöben is de freewillige Füürwehr Oosten mit tostännig.

Verkehr ännern

De Straat dör Achthöbenerdiek löppt in’n Noorden an de Landsstraat 113 ran un in’n Süden na Oosten an de Bundsstraat 495. De B 495 föhrt in’n Noordoosten na Neeland un Wischhoben un in’n Süüdwesten över Basbeek/Warstood an de B 73 un na Loomst un Bremervöör. De L 113 geiht in’n Noordoosten över Nedderstreek na Öberndörp un in’n Süüdoosten na de B 495 un wieder na Grootweurn un Himmelpoorten.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 33 Kilometer in’n Süüdoosten von Achthöbenerdiek an de B 73.

De nächste Bahnhoff is so bi fiev Kilometer wied weg in’n Süden de Bahnhoff Hemmoor an de Nedderelvbahn twüschen Cuxhoben un Hamborg.

Footnoten ännern

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155

Weblenken ännern

  Achthöbenerdiek. Mehr Biller, Videos oder Audiodateien to’t Thema gifft dat bi Wikimedia Commons.