Amt Addelborg
Dat Amt Addelborg weer en Verwaltungsrebeed in dat Königriek Hannover binnen de Landdrostie Lümborg mit Seet in Addelborg.
Dat Leid över dat Amt harr en Amtmann.
Geografie
ännernDat Amt is in’n Noorden an Holsteen grenzt, in’n Noordoosten an Mekelborg-Swerin, in’n Oosten an dat Amt Bleikd, in’n Süden dat Gericht Lüsborg un dat Amt Scharnbääk-Bütel un in’n Westen dat Amt Winsen un dat Gericht Övermeschacht (Stand 1848).
1815 bet 1852
ännernDat Rebeed von dat Amt hett vör 1815 to dat Amt Loonborg in dat Hartogdom Sassen-Loonborg tohöört. Dat Hartogdom weer siet 1689 in Personalunion mit dat Kurförstendom Hannover verbunnen. Op’n Wiener Kongress hett Hannover an’n 29. Mai 1815 dat Hartogdom „rechts von de Elv“ an Prüßen afgeven (wat Prüßen denn aver al en poor Daag later gegen Sweedsch-Vörpommern intuuscht hett, wat siet 1814 to Däänmark hören dee, so dat Sassen-Loonborg na 1815 in Personalunion mit dat Königriek Däänmark verbunnen weer). De Rebeden links von de Elv sünd bi Hannover bleven. Ut disse Rebeden, de von dat Amt Loonborg nu aftrennt weren, is dat ne’e Amt Addelborg billt worrn. Dat weer en Striepen von de Masch von de Elv von Tesp bet Barför.
To’n 10. November 1835 sünd dat Röhrsche Halvhuus in Barför un de Soltausche Kaatsteed to Hittbargen von dat Amt Scharnbääk in dat Amt Addelborg wesselt.[1]
1848 weer dat Amt so 54,16 km²[2] groot.
As to’n 1. Mai 1852 dat Gericht Övermeschacht oplööst worrn is, is dat Deel von dat Amt Addelborg worrn.
| Oort | Lüüd | Hüüs | Aard | Status | |
|---|---|---|---|---|---|
| 1 | Addelborg | 865 | 93 | Flecken | Gemeen |
| 2 | Abendörp | 277 | 36 | Dörp | Gemeen |
| 3 | Barför | 172 | 23 | Dörp | Gemeen |
| 4 | Hittbargen | 381 | 53 | Dörp | Gemeen |
| 5 | Hohnstörp mit’n eenstelligen Hoff Rethschuer | 416 | 58 | Dörp | Gemeen |
| 6 | Mariendal | 43 | 3 | Vörwark | keen Gemeen |
| 7 | Rethschuer | Vörwark | |||
| 8 | Sassendörp | 126 | 20 | Dörp | Gemeen |
| 9 | Tesp | 546 | 84 | Dörp | Gemeen |
1852–1859
ännernDat Amt Addelborg hett bi de Verwaltungs- un Justizreform an’n 1. Oktober 1852 in dat Königriek Hannover von dat Amt Scharnbääk de Gemenen Bourm, Brietel, Bütel, Bullendörp, (Vörwark un Afboersteden) Buscherbarg, Echen un Lüürshusen tokregen, von dat Amt Winsen de Gemenen Sanknies un Dreckhorborg un von dat Amt Bleikd de Gemenen Bookelkaten, Jörnsdörp, Dörp Lüüsborg un Good Lüüsborg.
As Gericht för dat Amt is to’n 1. Oktober 1852 dat Amtsgericht Addelborg inricht worrn.
Na 1859
ännern1859 bi de nächste Verwaltungsreform is dat Amt Addelborg Deel von dat Amt Lüün worrn.
Inwahnertall
ännern| Johr | Inwahners |
|---|---|
| 1848[2] | 2.826 Lüüd, 370 Hüüs |
Amtlüüd
ännern- ~1818/1827: Amtsassesser Eberhard Christian Compe
- ~1829–1837: Amtsassesser Ludwig August Schlüter
- 1837–1838: Amtsassesser Friedrich Carl Heinrich Lodemann
- ~1840/1851: Amtsassesser Georg Heinrich Meyer
- 1853–1857: Heinrich Holtzermann
- 1857–1859: överdragen an dat Amt Lüün
Footnoten
ännern- ↑ Gesetze, Verordnungen und Ausschreiben für das Königreich Hannover: aus dem Zeitraume von 1813 bis 1839. Jänecke, 1839, Sied 66
- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 86: http://books.google.de/books?id=eOI-AAAAcAAJ&pg=PA86
Stadt Borgdörp | Stadt Celle | Stadt Dannenbarg | Stadt Gifhorn | Stadt Horborg | Stadt Lüchow | Stadt Lümborg | Stadt Ülzen | Stadt Winsen
Amt Ahlden | Amt Addelborg* | Amt Bargen | Amt Bedenbossel* | Amt Bleikd | Amt Bondiek* | Amt Borgdörp | Amt Borgwedel | Amt Celle | Amt Clenze* | Amt Dannenbarg | Amt Ebstörp* | Amt Eikeln* | Amt Fallersläm | Amt Fambossel | Amt Gartow | Amt Gifhorn | Amt Hittfeld* | Amt Hitzacker* | Amt Horborg | Amt Ilten* | Amt Isenhagen | Amt Knesbeck* | Amt Lüchow | Amt Lüün/Lümborg | Amt Medingen | Amt Maanze | Amt Mesborg* | Amt Neehuus | Amt Ollenstadt | Amt Papendiek* | Amt Parrns* | Amt Rethen* | Amt Soltau | Amt Solzhusen* | Amt Töst | Amt Willemsborg* | Amt Winsen an de Aller* | Amt Winsen an de Luh | Amt Wustrow*
* bet 1859