Amtsgericht Himmelpoorten

Dat Amtsgericht Himmelpoorten weer en Amtsgericht in dat Königriek Hannover. Dat harr sien Seet in Himmelpoorten.

Överornt Gerichten

Dat Amtsgericht Himmelpoorten weer dat Obergericht Stood överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Himmelpoorten is dor denn blangen dat Amt Himmelpoorten nee schapen worrn. De Grenzen von Amt un Amtsgerichtsbezirk weren desülven.

Dat Amtsgericht Himmelpoorten is 1859 oplööst worrn. Dat Amt Himmelpoorten hett 1859 sien Rebeden an dat linke Över von de Oost an dat Amt Oosten afgeven. För disse Rebeden weer denn dat Amtsgericht Oosten tostännig. För den Rest von dat Amt Himmelpoorten, de egenstännig bleven is, weer nu dat Amtsgericht Stood mit tostännig.

Amtsrichters

~1858: Wilhelm Burghard von der Decken

Kiek ook bi

List von de Amtsgerichten in dat Königriek Hannover

Amtsgerichten in’n Obergerichtsbezirk Stood (1852–1879)