Amtsgericht Oosten

Dat Amtsgericht Oosten weer en Amtsgericht in’n Landgerichtsbezirk Stood. Dat harr sien Seet in de Lange Straat 22 in Oosten in’n Landkreis Cuxhoben.

Överornt Gerichten

Dat Amtsgericht Oosten weren in’n Instanzentog dat Landgericht Stood, dat Oberlandsgericht Celle un de Bundsgerichtshoff in Karlsruhe överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Oosten is dor denn blangen dat Amt Oosten nee schapen worrn. Överornt weer dat Obergericht Stood. As 1859 de Ämter nee tosneden worrn sünd, hett sik ok de Amtsgerichtsbezirk ännert, dat Rebeed von dat Kaspel Loomst is dor nee tokamen (wat vörher to’n Bezirk von dat Amtsgericht Bremervöör höört hett) un de Rebeden ut’n Bezirk von dat Amtsgericht Himmelpoorten, de in dat Johr von dat Amt Himmelpoorten an dat Amt Oosten wesselt sünd.

Dat Amtsgericht Oosten is 1973 oplööst worrn. Den Gerichtsbezirk von dat Amtsgericht hett denn dat Amtsgericht Stood övernahmen. 1982 is denn dat Amtsgericht Oterndörp för den Gerichtsbezirk tostännig worrn.

Amtsrichters

~1858: Johann Heinrich Stechmann
1873–: Bödiker

Kiek ook bi

List von de Amtsgerichten in dat Königriek Hannover

Amtsgerichten in’n Obergerichtsbezirk Stood (1852–1879)

Koordinaten:53° 42′ N, 9° 11′ O