Amtsgericht Wischhoben

Dat Amtsgericht Wischhoben weer en Amtsgericht in dat Königriek Hannover. Dat harr sien Seet in Wischhoben.

Överornt Gerichten

Dat Amtsgericht Wischhoben weer dat Obergericht Stood överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Wischhoben is dor denn blangen dat Amt Wischhoben nee schapen worrn. De Grenzen von Amt un Amtsgerichtsbezirk weren nich desülven. To’n Bezirk hebbt de Kaspels Drochters, Hamelwöörden un Kruutsand mit de Öörd Gauensiek, Sietwenn, Theisbrügg, Nindörp, Doornbusch, Wulfsbrook, Hamelwöörden, Gauensiekersand, Neeland, Neelannermoor, Kahlesand, Kruutsand un Wischhobenersand tohöört.

För de Kaspels Bützfleet un Aßel un de Öörd, de to de Stoder Karken tohöört hebbt, (Götzdörp, Bützfleet, Fleet, Abbenfleet, Bützfleter Butendiek, Bützfletermoor, Depenbeek, Hasenwinkel, Bützfletersand, Barnkroog, Weth, Aßel, Ritsch, Aßlersand, Brunshüser Butendiek, Stubbenhoff, Snee, Hörn, Stodermoor, Schölisch, Dööshoff, Stodersand) weer dat Amtsgericht Bützfleet tostännig.

Dat Amtsgericht Wischhoben is 1859 jüstso as dat Amt Wischhoben oplööst worrn. Von 1859 af an weer dat Amtsgericht Freeborg för den Gerichtsbezirk von dat Amtsgericht Wischhoben mit tostännig.

Amtsrichters

~1858: Friedrich Emanuel Quaetfaslem

Kiek ook bi

List von de Amtsgerichten in dat Königriek Hannover

Amtsgerichten in’n Obergerichtsbezirk Stood (1852–1879)